Oqıǵa • 07 Shilde, 2022

Aqtóbede jol apatynan eki motosıkl júrgizýshisi qaıtys boldy

9 ret kórsetildi

Aqtóbe oblysynda jol apaty saldarynan eki motosıkl júrgizýshisi qaza tapty, dep habarlaıdy Egemen.kz.

6 shildede Alǵa aýdany Qarabulaq kentinen 3 shaqyrym jerde 53 jastaǵy sharýa qojalyǵynyń basshysy memlekettik tirkeý nómirinsiz BAIGE motosıklin basqarý kezinde róldi ıgere almaı, qyrǵa qaraı aýdarylyp ketken.

Jol-kólik oqıǵasy saldarynan motosıkl júrgizýshisi Alǵa aýdany aýrýhanasynyń jansaqtaý bólimine jatqyzyldy, keıin alǵan jaraqatynan aýrýhanada kóz jumdy.

Osyndaı jaǵdaı Temir aýdanynda da oryn aldy. 6 shilde kúni 49 jastaǵy er adam memlekettik tirkeý nómirinsiz RACER motosıklimen kele jatyp, róldi basqara almaı, aýdarylyp ketken. Jol-kólik oqıǵasy saldarynan motosıkl júrgizýshisi alǵan jaraqatynan oqıǵa ornynda kóz jumdy.

Eki jaǵdaıda da motokólik júrgizýshileriniń kólik quraldaryn basqarý quqyǵynan aıyrylǵany belgili boldy.

Aıana Toǵanbek

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar