Ekologııa • 07 Shilde, 2022

Kıikter sany qarashaǵa deıin rettelýi múmkin

35 ret kórsetildi

Kıikterdiń sany 15 qyrkúıekten 30 qarashaǵa deıin rettelýi múmkin. Bul týraly Ekologııa mınıstrligi Orman sharýashylyǵy jáne janýarlar dúnıesi komıtetiniń tóraǵasy Nurlan Qylyshbaev málimdedi, dep habarlaıdy Egemen.kz.

«Zoologııa ınstıtýty 2022 jylǵa kıikterdiń sanyn retteýdiń bıologııalyq negizdemesin usyndy. Ǵylymı qorytyndyǵa sáıkes, jem-shóp pen sýattardyń, aýyl sharýashylyǵy daqyldary egisine kıikterdiń kirýiniń saldarynan, sondaı-aq Oral popýlıasııasy sanynyń kúrt ósýine baılanysty kıikterdiń shamadan tys ósýin retteý qajettiligi týyndady. Aıta ketsek, mundaı jaǵdaı Betpaqdala popýlıasııasynda da baıqalady», dedi Nurlan Qylyshbaev elordada ótken dóńgelek ústelde.

Bıologııalyq negizdemege sáıkes 2022 jyly Oral popýlıasııasynyń kıikterin atýǵa usynylǵan kólemi eseptik sanynyń 10%-yn quraıdy, onyń ishinde eresek erkek - 5%, eresek analyq - 47,5%, jas urǵashy - 47,5%.

«Qostanaı, Aqmola oblystarynyń aýmaǵyndaǵy Betpaqdala popýlıasııasy úshin 2022 jylǵa alý kólemi eseptik sannyń 2,5% mólsherinde usynylady. Onyń ishinde eresek atalyqtary - 5%, eresek urǵashylary - 47,5%, jas tólderi - 47,5%», dedi N.Qylyshbaev.

Ol kıikterdiń sanyn bıologııalyq jáne ekonomıkalyq turǵydan retteýdiń ońtaıly merzimi 15 qyrkúıekten 30 qarashaǵa deıin ekenin aıtty.

Buryn habarlanǵandaı, Qazaqstanda 90 myńǵa jýyq kıik atýǵa jatady.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar