Atalǵan tapsyrmany iske asyrý úshin Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi depýtattyq korpýspen birlesip, operatorlardyń paıdalanýshylarǵa standarttarǵa, tehnıkalyq normalar men sapa kórsetkishterine sáıkes kelmeıtin baılanys qyzmetterin kórsetkeni úshin jaýapkershiligin kúsheıtýge baǵyttalǵan sharalardy ázirledi.
Endi buzýshylyqtar anyqtalǵan jaǵdaıda baılanys operatorlary 100 AEK ornyna 1000 AEK-ke aıyppul salady, al bir jyl ishinde qaıtalap buzǵan jaǵdaıda aıyppul somasy 200-den 1500 AEK-ke deıin ósedi.
Vedomstvo júrgizgen taldaý nátıjeleri boıynsha, baılanys sapasynyń nasharlyǵyna shaǵymdar sany 10 ese ósken. 2021 jyldyń qorytyndysy boıynsha mınıstrlik 562 tekserý júrgizdi (2020 jyly 51 tekserý, al 2019 jyly 93 tekserý júrgizildi).
Operatorǵa qatysty baılanystyń nemese Internettiń nashar sapasyna tekserý júrgizý úshin qazaqstandyqtar resmı ótinishti Telekommýnıkasııalar komıtetiniń ne tıisti oblys mınıstrliginiń aýmaqtyq baılanys ınspeksııasynyń mekenjaıyna «elektrondyq úkimet» portaly, «E-Otinish» ótinishter berý júıesi arqyly ne qaǵaz túrinde joldaýlary qajet. О́tinishte shaǵymnyń mánin, baılanys operatorynyń ataýyn jáne tekserý júrgizý qajet ótinish berýshiniń naqty mekenjaıyn kórsetý qajet.
О́tinishti alǵannan keıin prokýratýra organdarynda tekserýdi taǵaıyndaý týraly akt tirkeledi. Tekserý barysynda kórsetiletin baılanys qyzmetteriniń sapasy boıynsha ólsheýler júrgiziledi. Operatorǵa qatysty buzýshylyqtar anyqtalǵan jaǵdaıda Ákimshilik quqyq buzýshylyq týraly kodekstiń 637-babyna sáıkes aıyppul túrinde ákimshilik hattama jasalady jáne laýazymdy tulǵa belgilegen merzimge buzýshylyqtardy joıý týraly nusqama engiziledi.
