«Joǵary bilim berý sapasymen tanymal jáne áleýmettik qoldaý kórsetýde belsendi pozısııany ustanatyn elimizdegi jetekshi joǵary oqý oryndarynyń biri – Narhoz ýnıversıtetine alǵysymyz sheksiz», dedi Oqý-aǵartý mınıstri Ashat Aımaǵambetov jas túlekke túlekke grantty tabystap turyp.
Mınıstr Esdáýletke kórsetken qaısarlyǵy úshin alǵysyn bildirip, ózinen kishilerge kómek berýge jáne olardy qorǵaýǵa daıyn bolý jolynda úlgi kórsetkenin atap ótti.
«Sizge kórsetken qaısarlyǵyńyz ben batyldyǵyńyz úshin alǵys aıtqym keledi. Siz oqýshynyń mektep qabyrǵasynan qalaı túlep ushýy kerek ekenin dáleldedińiz. Osyndaı asyl, batyr azamatty tárbıelegen ata-anańyz ben ustazdaryńyzǵa alǵys aıtamyn. Prezıdent búgin mektepterdegi býllıng faktilerine alańdaıtynyn aıtqan edi. Sizdiń búgingi erligińiz laıyqty úlgi bolady. Joǵary synyp oqýshylary da siz sııaqty kishkentaılardy qoldaýǵa jáne qorǵaýǵa árqashan daıyn bolady dep senemin», dedi Ashat Aımaǵambetov.
Aıta ketsek, 17 jastaǵy batyrdyń anasy Ásemgúl Qabdyqalyqova alty balany tárbıelep otyr.
