«Indettiń eń kóp taralýy elimizdiń eń iri megapolısterinde, ıaǵnı Almaty, Nur-Sultan jáne Shymkent qalalarynda baıqalyp otyr», dedi A. Ǵınııat Ortalyq kommýnıkasııalar qyzmetinde.
Onyń aıtýynsha, sońǵy aptada aýyrǵan adamdardyń 70 paıyzy Almaty (1107 jaǵdaı nemese 43,2%-y) jáne Nur-Sultan (576 jaǵdaı nemese 22,5%-y) qalalarynda tirkeldi.
«Indettiń taralýy jaǵdaılarynyń ósýine qaramastan, naýqastardy aýrýhanaǵa jatqyzý deńgeıi tómen», dedi mınıstr.
Bıylǵy 15 shildedegi jaǵdaı boıynsha respýblıkada stasıonarlyq kómek 139 juqpaly aýrýlar aýrýhanasynda kórsetilip jatyr. Olarda naýqastardy qamtý úshin 3282 oryn jasaqtalǵan. Qazirgi kezde osy aýrýhanalarda 570 naýqas emdeýge jatqyzyldy.
