Oblystyq Tótenshe jaǵdaılar departamenti málim etkendeı, órt 17 shilde kúni saǵat 03:05-te tutanǵan. Atyraý qalasynyń Azattyq dańǵylynda ornalasqan №49-a mekenjaıyndaǵy kópqabatty úıdiń páteri órtengen. Shakyrtý ornyna jetken qutqarýshylar jalpy aýmaǵy 90 sharshy metr bolatyn páterdiń as bólmesinde turmystyq buıymdar órtengenin anyqtady. Jalyn 15 sharshy metr aýmaqty sharpyǵan.
Tótenshe jaǵdaılar departamentiniń órt sóndirýshileri páterden 5 adamdy qutqardy. Onyń ishinde 3 balany kireberis dálizindegi baspaldaq arqyly qaýipsiz jerge alyp shyqty.
«О́rt saldarynan 1991 jyly týǵan áıel kómirqyshqyl gazyna ýlanyp, denesin kúıik shalǵan. Zardap shekken turǵyn jedel járdem brıgadasymen aýrýhanaǵa jetkizildi», dep málim etti qoǵammen baılanys tobynan.
Jalyn saǵat 03:40-ta oqshaýlandyrylyp, saǵat 03:53-te tolyqtaı sóndirildi. О́rtti sóndirýge Tótenshe jaǵdaılar departamentinen 12 kyzmetker men 3 tehnıka tartyldy. Qazir oqıǵa sebebi anyqtalyp jatyr.
