Oı jarystyrǵan oqýshylar oljasy

Bilim saıysyndaǵy ja­ǵym­dy jańa­lyq matematıkadan IMO-2022 halyq­aralyq olım­pıa­dasynyń nátıjesine qatys­ty boldy. Ulttyq qurama 174 upaı jınady, bul – elimiz­diń osy olımpıadaǵa qatysý tarı­hyndaǵy rekordtyq kórsetkishi. IMO – álemdegi eń bedeldi pán­dik olımpıadalardyń biri. Oqý-aǵartý mınıstri Ashat Aı­ma­ǵambetov olımpıadalarda júl­de alǵan oqýshylar men olar­dyń pedagog-tálimgerlerine tólemder belgilenetinin jetkizdi.

«Prezıdenttiń tapsyrmasy boıynsha dál osyndaı olımpıadalarda júlde alǵan oqýshylar men olardyń pedagog-tálimgerlerine tólemder belgilep, oqýshylarǵa UBT-ny tapsyrmaı-aq otandyq JOO-ǵa túsýge bolatyndaı jaǵdaı jasaǵanymyzdy atap ótkim keledi. Matematıkadan olımpıadaǵa qa­tysqan 6 oqý­shy­nyń barlyǵy da júldeli oryn­darǵa ıe boldy. Olar 3 kúmis, 3 qola medal jeńip aldy. Kú­mis medal ıegerleri – Taır Sa­tý­baldın, Fetýllah Sam, Mıron Iýrkevıch, qola medal alǵandar – Ádi­let Zaýythan, Ádilet Ábý, Iýrıı Ten. Zııatkerlik sa­ıys­qa 104 elden barlyǵy 589 oqý­shy qatysty, sonyń ishinde Qy­taı, AQSh, Ońtústik Koreıa, Japonııa, Ulybrıtanııa, Ita­lııa, Kanada jáne t.b. elder bar. Oqý­shy­larymyz álemdik esepte 17-orynǵa turaqtady», dep málim­degen vedomstvo basshysy júl­de­gerlerdi jeńisimen quttyqtady.

Osy jarystan soń artynsha ulttyq quramanyń qorjyny taǵy da medaldarmen tolyqty. Ozat oqýshylarymyz Fızıkadan halyqaralyq olımpıadada (IPhO) 1 altyn jáne 4 kúmis medal jeńip aldy. Elimizdiń namysyn qorǵaǵan 5 oqýshy 75 elden kelgen 368 jasóspirimmen synǵa tústi. О́tken jyly qazaqstandyq komanda 5 kúmiske ıe bolǵan edi. Bıyl nátıje áldeqaıda jaq­sardy. Ulttyq qurama qor­jynyna altyndy Danııl Shato­hın jáne kúmis medaldy Er­sultan Pitebaı, Vladımır Lım, Dinmuhammed Rahymjanov, Rı­zabek Alpamys ákeldi.