Atalǵan toptyq kezeńniń sońǵy oıyn kúninde Shymkentte jergilikti «Ordabasy» Pavlodar oblysynyń «Aqsýyn» 2:0, Túrkistanda «Turan» Taldyqorǵannyń «Jetisýyn» 3:0 esebimen jeńdi.
Budan keıin Oralda jergilikti «Aqjaıyq» Aqtaýdyń «Kaspııin» 3:1 esebimen utty.
Aıta keteıik, buǵan deıin 15 jáne 16 shilde kúnderi bes oıyn ótkizildi. Syrt alańda almatylyq «Qaırat» «Atyraýdy» 3:2, Qyzylordanyń «Qaısary» Petropavldyń «Qyzyljaryn» 2:1 esebimen jeńdi.
Sondaı-aq qostanaılyq «Tobyl» óz alańynda «Aqtóbeni» 2:1, «Taraz» Túrkistan oblysynyń «Maqtaralyn» 4:2 esebimen súrindirdi.
Al elordalyq «Astana» qaraǵandylyq «Shahter» (Qaraǵandy) komandasyn 5:2 esebimen jeńdi.
Eske sala keteıik, Qazaqstan kýbogy úshinshi týr oıyndary 22, 23, 24 shilde kúnderi ótedi.
