Sizder "Jaıdarmandy" qaıdan kóresizder?
Teledıdardan ba,álde sahnadan ba?
Al sahna syrtynda da ómir bar ekenin bilesiz be? Álbette, bilesiz. Biraq onyń tap qandaı aǵymda júrip jatatynyn jurttyń bári bile bermeıdi.
Onyń qandaı arnada aǵyp jatatynyn buryn biz de bilmeıtin edik. Sondyqtan jaıdarmanshy jastardyń bizge udaıy jaqsy kóńil-kúı syılaý úshin daıyndyq jumystaryn qalaı júrgizetinderin óz kózimizben kórsekshi boldyq. Bul úshin, árıne, aldymen "Jaıdarman" teatrynyń basshylarynyń resmı ruqsat alyp aldyq. Aldyq ta iske kiristik...
Jaıdarmanshylar tek bir qaladan emes, Qazaqstannyń túkpir-túkpirinen keledi. О́z kıimderimen birge sahnalyq, qoıylymdyq kıimder alyp keletindikten ár-jerde shashylyp jatqan júk sómkelerin kóresiz.
Jaıdarmanshylar - tek sahnada ǵana emes, ómirde de kóńildi, ónerli jandar.
Biz áskerıler degende - túsi sýyq, qolyna qarý ustaǵan shymyr deneli jigitterdi ǵana elestetemiz. Biraq bul komanda osy stereotıpti buzyp júr. Quramynda tek jigitter emes, qyzdar da bar.
Jaıdarmanshylar ónerde básekeles bolǵandarymen, ómirde bir-birlerimen tatý dostar bolyp tabylady. Olar sondyqtan da kez-kelgen jaǵdaıda bir-birine aqyldaryn aıtyp, kómektesip júredi.
Qoıylymǵa daıyndyq "Jaıdarman" nómirleri sahnaǵa shyqqanǵa deıin jalǵasyp jatady.
Tipti tájirıbeli, saqa jaıdarmanshylardyń ózderi sahnaǵa shyǵar kezde kádimgideı qobaljıdy.
Biraq azdaǵan qobaljýdy kórermenderdiń ystyq yqylasy áp-sátte basady.
Bul foto jaıdarmanshylar ashyǵyp júredi degendi bildirmeıdi. Nan - qoıylymǵa arnalǵan ózindik zat.
Olar árbir týrdyń arasynda sahnada aıtar sózderin qaıta pysyqtap alady...
Tek sonan soń ǵana sahnaǵa shyǵady. Al ol jerdegi qobaljý tipti basqa...
Danııar Alan.
