Oblystyq polısııa departamentiniń baspasóz qyzmetinen málim etkendeı, obystyq prokýratýranyń bastamasymen Ulttyq qaýipsizdik komıtetiniń Atyraý oblysy boıynsha departamenti jáne polısııa departamentiniń esirtki qylmysyna qarsy is-qımyl basqarmasynyń birlesýimen asa iri kólemde esirtki tasymaldaý faktisi anyqtaldy.
Tártip saqshylary «Qarasora» jedel aldyn alý sharasy kezinde «Atyraý-Aqtóbe» tas jolynyń 30-shaqyrymynda «Toyota Ipsum» markaly kólikti toqtatqan.
Kólikti tekserý kezinde jalpy salmaǵy 17 keli tartatyn marıhýana tabylǵan. Esirtki zaty tárkilendi.
«Qazir atalǵan derek boıynsha Atyraý qalalyq polısııa basqarmasynyń qyzmetkerleri QR Qylmystyq kodeksiniń 296-babynyń 4-bóligimen sotqa deıingi tergep-tekserýdi bastady. Asa iri kólemde esirtkini kóligimen tasymaldaǵan júrgizýshi ustaldy. Kúdikti qamaýǵa alyndy», dep habarlady departamenttiń baspasóz qyzmeti.
О́zge aqparat QR Qylmystyq-prosestik kodeksiniń 201-babyna sáıkes jarııalaýǵa jatpaıdy.
