Taraptar naqty qylmystyq ister boıynsha yntymaqtastyqty nyǵaıtý, suraý salýlardy elektron formatta berý, kıberqylmyspen kúres salasynda tájirıbe almasý, sottalǵandardy ustap berý jáne berý týraly sharttar jasasý máselelerin talqylaǵan.
«AQSh Ádilet departamentiniń ókilderi qylmystyq aktıvterdi izdeýge jáne AQSh-tan Qazaqstanǵa qaıtarýǵa qoldaý kórsetýge daıyn ekenderine sendirdi», delingen habarlamada.
Taraptar birlesken kúsh-jigermen ǵana transulttyq uıymdasqan qylmysqa jáne qylmystyq kiristerdi jylystatýǵa qarsy tıimdi kúres júrgizýge bolady degen ózara pikirge kelgeni aıtyldy.
Budan bólek, Qazaqstan delegasııasy Dúnıejúzilik banktiń StAR Initiative (Urlanǵan aktıvterdi qaıtarý bastamasy) jobasynyń ókilderimen kezdeskn.
«Dúnıejúzilik bankpen Qazaqstannyń shetelge, onyń ishinde ofshorlyq ıýrısdıksııaǵa shyǵarylǵan qylmystyq jolmen tabylǵan aktıvterdi qaıtarý boıynsha kúsh-jigerin qoldaý jáne yntymaqtastyqtyń kórsetilgen baǵyty boıynsha prokýrorlar men tergeýshiler úshin trenıngter ótkizý máseleleri talqylandy. Bank ókilderi qazaqstandyq taraptyń bul bastamalaryn qoldady», delingen habarlamada.
Is-shara qorytyndysy boıynsha taraptar ótken dıalogqa qanaǵattanýshylyq bildirdi jáne odan ári ózara is-qımyl boıynsha birlesken qadamdardy belgilegeni aıtyldy.
