Sıfrlandyrý el damýyna serpin beredi

Osynyń aldynda Úkimet otyrysynda sóz sóılegen atalǵan vedomstvonyń basshysy Baǵdat Mýsın keıbir salalardyń sıfr­­landyrý máselesinde kem-ketikteri baryn, jyldyń aıaǵyna deıin aqparattyq júıelerdi qurý ýaqytyn 6 aıǵa deıin qysqartýdy josparlap otyrǵanyn jetkizdi. Sondaı-aq árbir sala boıynsha sıfrly strategııa ázirlenetinin, al memlekettik organdarǵa qosymsha resýrs beretin ulttyq ınfraqurylym 2023 jyldyń ortasynda iske qosylatyny belgili boldy.

Jalpy, Qazaqstanda aqparat­tyq teh­no­logııanyń órkendeýine, sıfrly damýǵa erekshe den qoıylyp otyr. So­nyń bir kóri­nisi – jaqynda Prezıdent «Qa­zaqstan Respýblıkasynyń keı­bir zańnamalyq aktilerine ın­no­vasııa­lardy yntalandyrý, sıfrlandyrý, aqparattyq qaýipsizdikti damytý jáne bilim berý máse­leleri boıynsha ózgerister men tolyqtyrýlar engizý týraly» zańǵa qol qoıdy. Bul qujatta sıfrlandyrýdy, ınnovasııalardy damytýdy yntalandyratyn jańa normalar qarastyrylyp otyr. Jaýapty mınıstrliktiń habarlaýynsha, zańnyń basty ereksheliginiń biri – Qazaqstan Respýblıkasy Prezıdentiniń «Memlekettik apparattyń qyz­metin bıýrokratııadan aryltý boıynsha is-sharalar týraly» Jarlyǵyn júzege asyrý úshin zańǵa sıfrly transformasııa engizilgen. Onda neǵurlym tıimdi úderisterdi artyq shyǵynsyz engizý, aýyr jáne bıýrokratııaǵa toly bıznes-prosesterdi jaı ǵana avtomattandyrmaı, olardy qaıta jobalap, barynsha sapaly etý qarastyrylǵan. «Sıfrly transformasııa azamattar men bıznestiń, olardyń memlekettik qyzmetterdi alý kezindegi shy­ǵyndaryn jáne memlekettik apparat jumysyn qamtamasyz etýge jumsalatyn shyǵyndardy qysqartýǵa múmkindik beredi. Zań aıasynda memleket­tik basqarýdy sıfrlandyrý kezinde biryńǵaı platformalyq tásildi qamtı­tyn júıe engizý usynyldy», delingen mınıstrlik taratqan habarlamada.

Jańa zań memlekettik qyz­met­terdi alý kezinde azamattar men bıznestiń shyǵyndaryn tómendetýge, aýyl men qala turǵyndarynyń sıfrly teńsiz­digin azaıtýǵa, basqarýshylyq sheshim­derdiń tıimdiligin art­tyrýǵa, aqparattyq qaýip­sizdikti kúsheıtýge, memlekettik organdardyń qaıtalanatyn fýnk­sııalaryn qysqartýǵa múm­kindik bermek.

Qazirgideı aqparattyq teh­nologııa­nyń damyǵan zamanyn­da eshkim de sabylyp, bir qa­ǵaz úshin birneshe mekeme­niń ta­baldyryǵyn tozdyryp júr­gisi kel­meıdi. Negizi jahan­dy dúrliktirgen pan­demııa el aza­mattarynyń sıfrly saýatyn edáýir arttyrǵany belgili. О́ıtkeni ınternet pen elektron­dy memlekettik qyzmetter birinshi qajet­tilikke aınaldy. Osyǵan saı memle­kettik qurylymdar da jumys baǵytyn sıfrlandyrýǵa qaraı bura bastady.

Mınıstr Baǵdat Mýsın buǵan deıin eGov Mobile mobıldik qosymshasyndaǵy sıfrly qyzmetterge suranys eki esege óskenin aıtady. Azamattardyń basym bóligi memlekettik qyz­­metterdi onlaın alýdy jón kóretinin eskere kele, mınıs­tr­lik endi EGov mobile sıfrly qujattar servısiniń qoldanylý aıasyn keńeıte tústi. Endi ár azamat eGov mobile baǵdarlamasyn óz smartfondaryna júkteı alady, bul qaǵaz qujattardy alyp júrmeýge múmkindik beredi. Jańa zańda da qaǵaz qujattardyń túpnusqasy elektrondy nusqamen birdeı qabyldaýǵa mindetteldi. Búgingi tańda Egov mobile-dan jeke kýálik, júrgizýshi kýáligi, týý týraly kýálik, neke týraly kýálik, tegin, atyn, ákesiniń atyn ózgertý týraly kýálik, nekeni buzý týraly kýálik, tehnıkalyq pasport, COVID-19 úshin PTR testileý nátıjesi, stýdenttik bılet, dıplom, zeınetker kýá­ligi, qandas kýáligi, kólik qura­lyn tirkeý týraly kýálik, áleý­mettik ID, vaksınalaý pasporty, kóp­ba­laly otbasynyń jár­dem­aqysyn alý, múgedektik kýá­ligi, ataýly áleýmettik kómek alý­shynyń kýáligi sııaqty qu­jat­­tardy júktep alýǵa bola­dy. Bir eskeretin jaıt, aqpa­rat­tyq júıeler bazasynda bar qujattardy memlekettik organ­dardyń talap etýge quqy joq. Bul zańmen bekitilgenin erekshe atap ótken jón. Mun­daı ózgerister meke­melerge qu­jat­tardyń qaǵaz balama­laryn, kóshirme jasaýǵa ketetin ýaqyt pen aqsha shyǵyndaryn únemdeýge baǵyttalǵan.

Memleket basshysy 2025 jylǵa qaraı keminde 100 myń joǵary bilikti IT-maman daıarlaý mindetin qoıǵany belgili. Mınıstrliktiń habarlaýynsha, búginde Qazaqstanda eńbek naryǵynda bilikti IT-kadrlardyń tapshylyǵy baıqalyp otyr. Osyǵan baılanysty IT-maman­dardy daıarlaý úshin jas jáne talantty stýdentterdiń IT-mek­tepterde oqýyn sýbsıdııalaý úshin granttar (vaýcherler) berý jobasy iske qosylady. Osy joba sheńberinde 2025 jyldyń sońyna deıin keminde 20 myń bilikti IT-maman daıarlaý josparlanýda, deıdi mınıstrlik ókilderi.

Mınıstrlik sondaı-aq aýyldyq eldi mekenderde tura­tyn qazaqstandyqtar úshin «Qazposhta» AQ ınfraqurylymy bazasynda sıfrly núkteler ashylatynyn habarlady. Sonyń nátıjesinde kompıýteri nemese ınterneti joq aýyl turǵyndary sıfrly núktelerdiń kómegimen ózderi qalaǵan memlekettik qyzmetterdi ala alady, sondaı-aq aýdan ortalyqtaryna nemese qalalarǵa barmaı-aq, memlekettik organdarǵa elektrondy ótinish­ter jibere alady.

Prezıdent densaýlyq saqtaý­dy sıfrlandyrý máselesin de qozǵady. Osyǵan baılanysty mınıstr B.Mýsın densaýlyq saqtaýdyń jańa elektrondy arhıtektýrasyn qurý boıynsha jumystar bastalǵanyn, bul azamattardyń sıfrly ulttyq densaýlyq pasportyn jasaýǵa múmkindik beretinin atap ótti.

Úkimettiń keńeıtilgen otyrysynda «Zerde» holdıngin reformalaý jaıy da sóz boldy. Holdıngke qatysty ózgerister jyldyń basynda bastalǵan eken. Onyń bir qyzmeti «Sıfrlyq úkimetti qoldaý ortalyǵyna» beril­gen. Sonymen qatar QazInnovations agenttigi men Asta­­na hab tehnoparkin bir uıym­­ǵa, ıaǵnı Innovasııalyq tehnologııalar parkiniń quramyna biriktirý arqyly ońtaılandyrý usynylyp otyr. «Al «Ulttyq aqparattyq tehnologııalar» aksıonerlik qoǵamyn tikeleı Sıfrlyq damý, ınnovasııalar jáne aeroǵarysh ónerkásibi mınıstrliginiń qol astyna be­rip, «Zerde» holdıngin taratyp jiberýdi usyndyq», deıdi B.Mýsın.