Osy ıgi iske qolǵabys etip kele jatqandar da bar ekenin aıtqan lázim. Máselen, 2021 jyly Bolat О́temuratov qorynyń Jas Leader Akademiiasy baǵdarlamasy Túrkistan oblysy men Shymkent qalasynyń 50 mektebinde iske qosylǵan-dy. Bıylǵy oqý jylynda 5-11-synyptardyń 12,5 myńǵa jýyq oqýshysy synı turǵyda oılaýǵa, toppen birge jumys isteýge, kópshilik aldynda sóz sóılep, óz pikirin dáleldi jetkizýge mashyqtandy. Osylaısha, baǵdarlama aıasynda belsendilik tanytqan 450 mektep oqýshysy Almatyda eki lekpen ótken birinshi Jas Leader forýmynan tabyldy.
I Jas Leader forýmyna qatysqan kishkentaı kóshbasshylarǵa Oqý-aǵartý mınıstri Ashat Aımaǵambetov: «Jas Leader Akademiiasy baǵdarlamasy sizderdiń shyǵarmashylyq jáne kóshbasshylyq áleýetterińizdi asha otyryp, qazirgi suranysqa ıe daǵdylardy damytýǵa arnalǵan quraldar usyndy. Endi alǵan bilimińizdi qalaı paıdalanatynyńyz ózderińizge baılanysty. Sizderdiń Jańa Qazaqstannyń qalyptasýyna úlken úles qosatyndaryńyzǵa senemin!» degen quttyqtaýyn joldady.
Qysqasy, qyzyqty oqıǵalarǵa toly bes kúnde mektep oqýshylary túrli jattyǵýlar men oıyndarǵa qatysyp, kóshbasshylyq, sheshim qabyldaý, qarym-qatynas jasaýdaǵy bilim-daǵdylardy meńgerdi. Mysaly, Túrkistan qalasyndaǵy №14 mekteptiń 11-synyp oqýshysy Aıarý Baqytjanqyzyn kóshbasshylyq baǵdarlamasynyń dáristeri kópshilik aldynda sóıleýden qaımyǵýdan aryltqan.
«Qyrkúıek aıynan bastap mektebimizdegi Jas Leader Akademiiasy-nyń barlyq fakýltatıv sabaqtaryna qatystym. Osy ýaqyt ishinde sheshendik óner týraly bilim alǵandyqtan, top aldynda sóz sóılegende, óz pikirimdi aıtar kezdegi qorqýdy qoıdym. Basqalardy tyńdaýdy, kópshilikpen aralasýdy úırendim. Bir-birimizdi qurmetteý arqyly biz sheshimderdi de birge tabamyz», deıdi Aıarý.
Eń bastysy, Jas Leader Akademiiasy baǵdarlamasy eń mańyzdy mindetterdiń birine – qazaq tilindegi zamanaýı bilimge qol jetkizip otyr. Qordyń dırektory Marat Aıtmaǵambetovtiń aıtýynsha, úzdik sheteldik tájirıbelerdi jınaqtaý jáne beıimdeý baǵytynda sarapshylarmen birlese otyryp, birqatar jumys atqarylǵan.
«Alǵash ret mektepterde ana tilinde oqytylatyn halyqaralyq ozyq tájirıbeni bir baǵdarlamaǵa jınaqtadyq. Forýmǵa qatysýshylarmen kezdesip, olardyń qulshynysyn kórdim, jetistikteri men jeńisterin estidim. Demek bizdiń baǵytymyz durys jáne óskeleń urpaqqa arnalǵan jobalardy damytýdy ári qaraı jalǵastyramyz», dedi M.Aıtmaǵambetov.
Sol sııaqty jobaǵa tartylǵan muǵalimder de jańa daǵdylardy meńgergenin aıta ketý kerek. Túrkistan qalasyndaǵy №23 mekteptiń muǵalimi Gúljan Sáýlenbekova mundaı bilim men daǵdy oqýshylarmen jumys istegen kezde ǵana emes, óziniń balalarymen qarym-qatynas barysynda da kómektesetinin moıyndap: «Muǵalimderdiń jumysy árqashan da kóp, keıde kúndelikti qym-qýyt tirshilikten basty mindetimiz – balalarǵa bilim alý jolynda kómektesý ekenin umytyp ketemiz. Jas Leader Akademiiasy baǵdarlamasy boıynsha muǵalimderge arnalǵan oqytýdan ótkennen keıin oqýshylardy sóıletýge, talqylaýǵa yntalandyra bastadym, sabaqtarymyz qyzyǵyraq ótetin boldy. О́z mamandyǵyma degen mahabbatym qaıta oraldy, tipti ony óz balalarym da baıqapty. Endi balalarymnyń erkelikterin durys qabyldap, aıtqandaryn muqııat tyńdap, úı sharýasyn tyndyrýdy talqylaýǵa jumyldyra bastadym», deıdi.
Aıtqandaı, jańa oqý jylynan bastap Bolat О́temuratov qory atalǵan baǵdarlamany Jambyl jáne Qyzylorda oblystarynda da qolǵa alýdy josparlap otyr. Osy aıdyń ózinde iriktelgen 50 mektepte muǵalimderdiń biliktiligin arttyrý bastalady. Bir aptaǵa sozylatyn trenıngte muǵalimder Jas Leader Akademiiasy baǵdarlamasymen tanysyp, zamanaýı bilim berý tásilderin meńgeredi.
ALMATY
