Draýpadı Mýrmý – Úndistan prezıdenttigine saılanyp otyrǵan ekinshi áıel. Eldi basqarǵan alǵashqy áıel Pratıbha Patıl (2007-2012 jyldary) boldy. Sondaı-aq D. Mýrmý «azat elde», ıaǵnı brıtandyqtardan táýelsiz bolǵannan keıin dúnıege kelgen Úndistannyń tuńǵysh prezıdenti bolmaq. Ol 1958 jyly dúnıege kelgen. Djarkhand shtatynyń eks-gýbernatory.
Draýpadı Mýrmý el prezıdenti retinde 25 shildede ant beredi. Memlekettiń is basyndaǵy basshysy Ram Nath Kovındtiń ókilettik merzimi 24 shildede aıaqtalady.
Parlament jýrnalısterge usynǵan sońǵy málimetke sáıkes, sanalǵan daýystardyń jalpy sany 3219 (jalpy quny 838 839). Onyń ishinde Draýpadı Mýrmý 2161 daýysqa ıe boldy (jalpy quny 577 777). Al onyń básekelesi – oppozısıoner Iаshvant Sınha – 1 058 daýys jınady (quny 261 062). Daýystardy esepteý júıesine sáıkes, árbir saılaýshy daýysynyń «quny» ártúrli bolady. Ol shtat halqynyń sanyna baılanysty.
