Qor basshysy Iаsır Ál-Rýmaııan ekonomıkanyń ártúrli salalarynda júzege asyrylyp jatqan jobalar týraly aıtty.
Qasym-Jomart Toqaev Qazaqstannyń ártúrli salalar boıynsha ózara tıimdi yntymaqtastyqty júzege asyrýǵa nıetti ekenin atap ótip, ózara ortaq múddeni kózdeıtin jobalardy júzege asyrý úshin Saýdııa Arabııasy ınvestısııalyq qory men «Samuryq-Qazyna» AQ jáne «UBH «Báıterek» kompanııalary arasyndaǵy tyǵyz yqpaldastyqty jolǵa qoıýdy usyndy.
Qor Saýdııanyń basqa da kompanııalary sııaqty munaı-hımııa ónerkásibindegi, jasyl energetıkany damytý salasyndaǵy, metallýrgııa jáne taý-ken sektorlaryndaǵy, sondaı-aq aýyl sharýashylyǵyn tereń óńdeý jónindegi iri ınvestısııalyq jobalarǵa qatysýǵa shaqyryldy.
Saýd Arabııasy Koroldiginiń Memlekettik ınvestısııalyq qory – «Public Investment Fund» 1971 jyly quryldy. Qor Koroldiktiń jáne aımaqtyń ónerkásip pen ınfraqurylym salalaryndaǵy memlekettik jáne kvazımemlekettik uzaq merzimdi jobalaryn basty qarjylandyrý kózi.
Bul – jıyntyq aktıvteri 620 mıllıard dollar bolatyn álemdegi iri derbes qorlardyń biri. PIF qorynda eldiń qundy aktıvteri, onyń ishinde «Saudi Aramco» iri munaı kompanııasynyń aktıvteri de ornalasqan.
Dırektorlar keńesiniń tóraǵasy – Saýd Arabııasy Koroldiginiń Taq murageri – Muhammed ben Salman. Basqarýshy – Iаsır Osman Ál-Rýmaııan.
Qor ulttyq jáne halyqaralyq dárejedegi uzaq merzimdi jobalarǵa ınvestısııa quıý esebinen álemdik deńgeıdegi ártaraptandyrylǵan portfel qalyptastyrady.
Qyzmettiń negizgi baǵyttary: ónerkásip, ınfraqurylym, halyqaralyq bıznes, eksporty qoldaý, qorshaǵan ortaǵa áleýmettik qoldaý kórsetý jáne ony qorǵaý, telekommýnıkasııalar, aeroǵarysh ónerkásibi, energetıka, jasyl tehnologııalar.
Pandemııa kezinde qor 8,7 mıllıard dollarǵa jýyq álemdik iri kompanııalardyń aksııalaryn satyp aldy (Boeing, Facebook, Disney, Marriott ı Starbucks). Sondaı-aq qor AQSh-tyń iri Citigroup jáne Bank of America bankterine ınvestısııa quıdy. Sonymen qatar BP, Total, Royal Dutch Shell, Eni ı Equinor ASA sııaqty munaı alpaýyttarynyń aksııalaryn satyp aldy.
