Oblysta indet juqtyrǵandar osy aptanyń basynda ǵana onǵa jetpeı tur edi, aınaldyrǵan eki-úsh kúnniń ishinde naýqastar sany jıyrmanyń ústine shyǵyp ketti. Oblystyq densaýlyq saqtaý basqarmasy basshysynyń orynbasary Anjela Beksultanovanyń aıtýynsha, Qostanaıdaǵy ınfeksııalyq ortalyq qaıta ashyldy. Qazir emdeý mekemesinde on shaqty adam jatyr. Munyń syrtynda, aýyr naýqastar jatatyn taǵy 125 tósek daıyn tur.
Jurtshylyqty sońǵy apta ishinde indettiń taralý qarqynynyń úsh ese ósip ketkeni, oǵan qosa el ishinde sirli menıngıttiń etek ala bastaǵany alańdatyp otyr. Máselen, maýsym, shilde aılarynda óńirde bul enterovırýstyq ınfeksııanyń aýyr túrimen 41 adam aýyryp shyǵypty. Naýqastardyń 80 paıyzy – 14 jasqa deıingi jas balalar. Dárigerlerdiń sózine qaraǵanda, qaýipti vırýs, ásirese jazdyń aptap ystyǵynda órshelene taraıdy.
– Biz sý qubyrlarynan, avtomattardan, sýburqaqtar men ózenderden sý alyp, taldaý júrgizdik. Bári taza. Eshqandaı ınfeksııa qozdyrǵyshyn taba almadyq, – deıdi oblystyq sanıtarlyq-epıdemııalyq baqylaý departamentiniń juqpaly jáne parazıttik aýrýlardy epıdemııalyq baqylaý bóliminiń basshysy Gúlim Dosymova.
Qostanaı oblysy
