Sharany elorda ákimdiginiń qoldaýymen «QazExpoCongress» Ulttyq kompanııasy aksıonerlik qoǵamy uıymdastyrady.
Jármeńke taqyryby: bilim berý, hobbı, demalys, balalar mádenıeti (jýrnaldar, kitaptar jáne mýzyka), oıyndar álemi (oıynshyqtar, oıyndar jáne qoldan jasalǵan buıymdar), balalar kıimderi, kerek-jaraqtar men aksessýarlar jáne basqa da baǵyttar.
«Elordalyq balalar taýarlary men qyzmetteriniń «Kids EXPO. Balalar álemi» - taýarlar men qyzmetter naryǵynyń kóshbasshylaryn biriktiretin kommýnıkasııalar úshin minsiz platforma.
Jármeńke kitap, keńse, toqyma, bilim berý jáne oıyn-saýyq salalarynyń ókilderin, balalar men olardyń ata-analaryna arnalǵan taýarlar men qyzmetterdi bir alańda biriktirýge múmkindik beredi. Jármeńkege qatysý-bul shaǵyn jáne orta bıznesti damytý, taýarlar men qyzmetterdi jyljytý, brend týraly habardarlyqty arttyrý, sondaı-aq satylymdy arttyrý úshin naqty múmkindikter», delingen habarlamada.
Sondaı-aq is-sharaǵa kelýshiler úshin arnaıy iskerlik jáne mádenı is-sharalar baǵdarlamasy uıymdastyrylady, onda qazaqstandyq jáne halyqaralyq sarapshylarmen pikirtalas alańdary, oqytý trenıngteri men sheberlik synyptary, konserttik baǵdarlama, balalar men mektep kıimderiniń kórsetilimderi bolady.
