Kıno • 27 Shilde, 2022

Qandaı fılmderdiń baǵy janady? Áleýmettik mańyzy bar 62 kınojoba irikteýden ótti

365 ret

kórsetildi

3 mın

oqý úshin

Aldaǵy ýaqytta aınalamyzdaǵy tirshilikten syr tartatyn qandaı kórkem dúnıeler, derekti kartınalar kórermenderine jol tartady? Bul fılmder qaı ólshemmen tańdaldy? Ne desek te, otandyq 62 kınojoba 2022 jylǵy konkýrstyq irikteýden ótti. Endigi jerde Mádenıet jáne sport mınıstriniń mindetin atqarýshynyń 2022 jylǵy 22 shildedegi buıryǵyna sáıkes tómendegi jobalar memleket tarapynan qarjylandyrylady.

Aınash ESALI

Qandaı fılmderdiń baǵy janady? Áleýmettik mańyzy bar 62 kınojoba irikteýden ótti

Bul sheshim «Ulttyq kınony qoldaý memlekettik ortalyǵy» KeAQ janyndaǵy Saraptama keńesiniń maquldanǵan qorytyndysy men Ulttyq fılmderdi memlekettik qarjylyq qoldaý máseleleri jónindegi mekemearalyq komıssııa usynymynyń negizinde qabyldanǵan.

Sonymen óz jumystaryn ashyq qorǵaýǵa 204 kınojoba qatysyp, nátıjesinde 62 ótinim irikteldi. Sonyń ishinde 18 tolyqmetrajdy kórkem fılm, 19 derekti, 17 qysqametrajdy jáne 8 anımasııalyq fılm bar.

Aldymen aqtyq tizimge ilingen áleýmettik mańyzy bar fılmderge kelsek, «Avel», «Operasııa», «Nabat», «Olıara» kórkem fılmderin «Sh.Aımanov atyndaǵy «Qazaqfılm» AQ túsiredi. Sol sııaqty «Lýchnık» («Nomad Stunts» JShS), «Búrkit» («Terra Motors Astana» JShS) kartınalary bar. Al «Qonaqtar», «Múıiztumsyq», «Shý-La-Ma» kınojobalary «Golden Man Media» JShS-na tıesili. «Soldattyń mahabbaty» kartınasyn «Medeor» JShS usynypty. Qysqasha toqtalǵanda «Jupar júrek», «Aıqaı», «Talaq», «Metro», «Qara qyz», «Jel toqtaǵa jer» kınojobalarynyń da joly bolǵaly tur.

Munan bólek «Sh. Aımanov atyndaǵy «Qazaqfılm» AQ túsirgeli otyrǵan «Spýtnık», «Inohodes», «Lednık», «Jel paıda bolǵan jer», «Toı», «Menimen sóıles, Mánshúk…» derekti fılmderi de qarjylandyrylady.

Basqa kınokompanııalarǵa tıesili derekti fılmder ishinde «Kınoletopıs» pen «Prıanıkı dlıa ee otsa, moego pradeda, ee deda», «Arkaý-Ozok», «Aýl strategıcheskogo znachenııa», «Eva. Batyr-qyz», «Molıtva Leıly», «Velıkıı kazahskıı samoed», «Oshıbka» molodostı», «Kıın-Kerısh», «Bıbıgýl Týlegenova – lınııa sýdby» bar.

Áleýmettik mańyzy bar anımasııalyq fılmderden «Joshy», «Buırabas», «Taıqazan hıkaıasy», «Ashına. Legenda o nebesnyh volkah», «Orkesh», «Almaly», «Derevo Amen-aga» jobalary jeńdi.

Baǵy janǵaly turǵan rejısserlerdiń tyrnaqaldy týyndylarynyń qatarynda «Mereke», «Vozmezdıe», «Saýǵa», «Áke», «Klýbnıchnaıa Prınsessa», «Sabyr», «Qyr basyndaǵy ekeý», «Anasy bar adamdar eshqashan qartaımaıdy», «Poncha», «Prestýpnık», «Pýgovısy», «Sary-ómir», «Dala qorǵaýshysy», «Sokraty», «Keshigip soqqan jel», «Úmit sáýlesi», «Zashıshıonnoe mesto», «Povılıka», «Vse na mosly» «Qurt» kınojobalary bar.

Birlesip túsiriletin bir ǵana lenta bolsa, ol «Sh. Aımanov atyndaǵy «Qazaqfılm» AQ usynǵan «Sny rekı» derekti fılmi.

Keń aýqymdy aýdıtorııaǵa usynylatyn kórkem fılmder ishinen «Almaty, ıa lıýblıý tebıa!» kartınasy irikteýden ótti.

ALMATY