Rıdder qalalyq PB qyzmetkerleri óz páterinde esirtki saqtady degen kúdikpen 31 jastaǵy qala turǵynyn ustady. Ustalǵan azamattyń turǵylyqty jeri boıynsha ósimdik tektes zaty bar 7 polımerlik túıinshek tabylyp, tárkilendi. Sonymen qatar temeki shegýge beıimdelgen metall konteınerler men plastıkalyq bótelkelerdiń synyqtary tabyldy. Saraptama kórsetkendeı, túıinshekterde salmaǵy 135 gramnan astam keptirilgen marıhýana saqtalǵan.
Sol kúni tártip saqshylary 35 jastaǵy ekinshi jergilikti turǵyndy ustady, onyń úıin jáne aýlasyn tintý barysynda ishinde joǵaryda atalǵan zaty bar bir túıinshek tabyldy. Sarapshynyń qorytyndysyna sáıkes, tárkilengenniń ishindegisi de salmaǵy 35 gramnan asatyn keptirilgen marıhýana ekeni anyqtaldy.
Qaskóılerdiń ekeýine de qatysty kelý týraly mindetteme túrinde prosessýaldyq májbúrleý sharasy tańdaldy.
Atalǵan faktiler boıynsha QR QK-niń 296-babynyń 3-bóligi jáne 296-babynyń 2-bóligi (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi tergeý bastaldy.
