26 shildede UQK Nur-Sultan qalasy boıynsha departamenti asa iri kólemdegi psıhotropty zattardy satýǵa qatysy bar kúdikti A. esimdi elorda turǵynyn ustady.
«Prosessýaldyq shara barysynda zańsyz aınalymnan 1,5 kg «mefedron», 1,4 kg «alfa-PVP» jáne 659 tabletka MDMA («ekstazı» dep aıtylady) tárkilendi. Tergeý onyń esirtkini astanamyzdyń ortalyǵynda jaldamaly páterde orap, ınternet arqyly turaqty túrde satyp kelgenin anyqtady», delingen habarlamada.
Atalǵan fakti boıynsha QR QK 297-baby 3-bóligi boıynsha tergeý júrip jatyr. Bul bap boıynsha 15 jylǵa deıingi merzimge bas bostandyǵynan aıyrý jazasy qarastyrylǵan.
Ulttyq qaýipsizdik komıteti esirtki jáne psıhotroptyq zattardy zańsyz taratýǵa qarsy jumysty jalǵastyrady.
