«1 jasqa deıingi bala kútimine beriletin áleýmettik tólem ata-ananyń bireýine ǵana taǵaıyndalady. Iаǵnı ne ákesiniń atyna ne bolmasa anasynyń atyna. Al naqty bala kútimimen kim aınalysady ony ata-ananyń ózderi sheshýge quqyly», dedi Nursulý Kemel ortalyq kommýnıkasııalar qyzmetinde ótken brıfıng barysynda.
Onyń aıtýynsha, ótken jyly elimizde 1 jasqa deıingi bala kútimine baılanysty 385 myń áleýmettik tólem taǵaıyndaldy.
«Onyń ishinde 3 myńnan astamy - er adamdar. Bul áleýmettik tólem balanyń ákesine tólengenin bildiredi», dedi ol.
Qor dırektory bala kútimine beriletin áleýmettik tólem mólsheri ata-ananyń sońǵy 2 jyldaǵy ortasha aılyq tabysynyń 40%-yn quraıtynyn aıtty.
Sondaı-aq eger eki jáne odan da kóp bala týǵan kezde tólem árbir balaǵa jeke taǵaıyndalatynyn aıta ketý kerek.
