«Tompaıyp kózge qorash kórinetini bolmasa esh aýyrǵan joq. Buryn túrli sebeptermen operasııa jasata almaı júrdim. Jaqynda tanystardan isikti mindetti áleýmettik medısınalyq saqtandyrý esebinen tegin jasatýǵa bolatynyn estip, aýrýhanaǵa bardym», deıdi zeınetker.
Pasıentke ambýlatorııa deńgeıinde josparly operasııa jasaldy. Operasııa jasalatyn jerdi jansyzdandyrý arqyly jasalǵan shaǵyn hırýrgııalyq manıpýlıasııa bar bolǵany 20 mınýtqa sozylǵan. Qazir operasııa ornynda biliner-bilinbes tyrtyq qaldy.
Ambýlatorlyq hırýrgııa ortalyǵynyń jetekshisi Marat Menaıaqov operasııa jasaý úshin belgili bir analızder men tekserý nátıjeleri talap etiletinin aıtady. Qajetti saraptamalardan keıin pasıentke birden operasııa jasalady. Iаǵnı ol úshin aýrýhanaǵa jatyp emdelýdiń qajeti joq.
«Pasıenttiń moınyndaǵy isikten bıopsııa alyndy. Nátıjesinde, onyń maıdan túzilgen lıpoma ekeni anyqtaldy. Jalpy, mundaı isikterge operasııa jasalǵannan keıin pasıent birneshe saǵattan soń úıine qaıtady. Sodan soń eki kúnde bir ret jarasyn tańdyrýǵa kelip turady. Tigistiń jibi 10-12 kúnnen keıin alynady», deıdi hırýrg.
Alaıda mamandar onyń ártúrli faktorlar saldarynan qaterli isikke aınalyp ketýi ábden múmkin ekenin joqqa shyǵarmaıdy. Sondyqtan mundaı isikterdi der kezinde alyp tastaǵan jón.
Al №1 qalalyq klınıkalyq aýrýhana janyndaǵy Ambýlatorlyq hırýrgııa ortalyǵynda ashylǵaly beri ótken aıda osyǵan uqsas 20 shaqty shaǵyn operasııa jasaldy. Hırýrgııalyq kómek mindetti áleýmettik medısınalyq saqtandyrý sheńberinde jáne aqyly negizde kórsetiledi. Hırýrgter lıpoma, ateroma, gıgroma syndy taǵy da basqa qaýipsiz isik túrlerine, shaptaǵy jáne kindik tusyndaǵy jaryqtarǵa operasııa jasaıdy, varıkozdy emdeıdi.
«Ambýlatorlyq hırýrgııa ortalyqtary kópshilikke óte yńǵaıly. Pasıent mundaı ortalyqtarda operasııa jasatý úshin asa kóp analız tapsyrmaıdy. Onyń ústine, saqtandyrylǵan azamattar tıisti saraptamalardy tirkelgen emhana arqyly tapsyryp, ınstrýmentaldyq zertteýlerden de MÁMS sheńberinde óte alady», deıdi Medısınalyq saqtandyrý qorynyń Almaty qalalyq fılıaly dırektory Tileýhan Ábildaev.
ALMATY
