Kólikterge SOS batyrmasyn ornatý mindetti emes

Komıtettiń habarlaýynsha, mamandar jarty jyldyń ishinde memlekettik baqylaý jáne qadaǵalaý júrgizý bóliginde 731 tekserý júrgizgen. Sonyń ishinde 64-i – jospardan tys bolsa, 85-i – pro­fılaktıkalyq baqylaý. О́zge mem­lekettik organdarmen birge júr­gizilgen tekserýler sany – 119. Al mekemelerge barmaı, syrt­tan baqylaý sany 464-ke jetken.

Tekserý kezinde 507 jaǵdaıda buzýshylyqtar anyqtalǵan. Bul barlyq tekserýdiń – 70%-y. «Tekserý nátıjesi kórsetkendeı, 14 myń 300 qujat negizsiz jáne dáıeksiz berilgen. Sonyń ishinde 57-si sáıkestik sertıfıkaty bolsa, 50-i – sáıkestik týraly deklarasııa­lar. Buǵan qosa, 162 jeke tulǵaǵa arnalǵan avtomobıl kýáligi men 14 031 ólsheý quralyn tekserý týraly sertıfıkattar (О́Q) negizsiz berilgeni anyqtaldy. Mem­lekettik tizilimge engi­zil­megen 1 572 sertıfıkat ta bar, 821 О́Q jaramsyz dep tanyldy. Mine, osyndaı zań buzýshylyqtar sheń­berinde 81 qaýly shyǵaryldy. Olar­ǵa salynǵan aıyppul somasy 65 mln teńgeni qurady. Bul byl­tyr­ǵymen salystyrǵanda eki ese kóp», deıdi komıtet mamandary.

Eýrazııalyq ekonomıkalyq odaq sheńberinde de biraz ju­mys qolǵa alynyp, sonyń aıasynda kólikterge «SOS» batyr­masyn ornatý mindettemesi alynyp tastalǵan. «Bul el azamattary­na mundaı qurylǵylardy ornatýǵa ketetin shyǵyndardy qys­qartýǵa múmkindik berdi», deıdi Tehnıkalyq retteý jáne metrologııa komıtetiniń baspasóz qyzmeti.

Sondaı-aq quzyrly organ elektr qurylǵylarynyń ener­gııa tıimdiligi týraly tehnı­ka­lyq reglamentin engizý ýaqyty uzar­ǵanyn habarlady. Eger mundaı sheshim qabyldansa, turmystyq tehnıkanyń baǵasy kúrt qym­battaýy múmkin. Sondyqtan ázir­she qujattyń kúshine enýi keıinge shegerilip otyr.

Vedomstvonyń dereginshe, bıyl Standarttaý jospary sheń­berinde 340 standart ázir­lenip jatyr, onyń 140-y – mem­le­ketaralyq standarttar. «Qazirdiń ózinde birqatar áleýmettik mańyzy bar standarttar qabyldandy. Sonyń biri – elektrsamokattarǵa qatysty standart. Jalpy standarttar legi alǵash ret ǵylymı-eks­perımenttik zertteýlerge súıene otyryp ázirlendi», dep málim­deıdi mamandar.

Memleket basshysynyń tapsyrmasy boıynsha zerthanalyq bazany jańǵyrtý jumystaryn da qolǵa alǵan vedomstvo Ulttyq jobany iske asyrý qorytyndysy boıynsha 2025 jylǵa qaraı zerthanalyq bazanyń 30%-yn jańǵyrtýdy josparlap otyr­ǵanyn habarlady. Ol úshin Jol kartasy qabyldanyp, memlekettik organdarmen birlese jumystar atqarylyp jatyr.

Sáıkestikti rastaý jónindegi qujattar «Biryńǵaı tereze» aqparattyq júıesiniń platformasy arqyly júzege asyrylyp, bıylǵy 19 shildedegi jaǵdaı bo­ıynsha 68 649 qujat berilgen.

Komıtet tańbalaý júıesin úılestirý boıynsha jumystar júıeli júrgizilip jatqanyn ataı kele, búginde el boıynsha teri, temeki buıymdary, aıaqkıim jáne dári-dármekter toby boıynsha mindetti tańbalaý engizilgenin málimdedi. Sonyń nátıjesinde qazynaǵa túsken túsimder kóle­mi de artqan. Aıtalyq, teri buıym­daryn tańbalaý kezinde ımport boıynsha kedendik bajdar men salyqtardyń túsimi 40%-ǵa – 372,3 mln teńgeden 516,2 mln teń­gege deıin ósken. Osy qyzmet bo­ıynsha ishki salyqtar túsimi 1,5 esege artqan.

Endi vedomstvo jyldyń sońy­na deıin tehnıkalyq retteý salasyndaǵy aqparattyq júıeni ónerkásipke engizý, onyń ishinde adamı faktordy barynsha azaıta otyryp, memlekettik baqylaýdyń bıznes-prosesterin sıfrlandyrýdy retke keltirmek. Sonymen qatar Tehnıkalyq retteý máseleleri boıynsha keıbir zańnamalyq aktilerge ózgerister engizý týraly zań jobasyn ázir­lep, ulttyq zerthanalyq bazany jańǵyrtý jumystaryn ári qaraı jalǵastyrýdy josparlap otyr.