Slovenııany 2:0 esebimen jeńgennen keıin el quramasy jartylaı fınalda óner kórsetý múmkindigine ıe boldy.
Komanda kapıtany Sergeı Kvak bastapqy oıynǵa taǵy da Danıel Tazabekovty qoıdy jáne ol kezekti ret senimdi aqtady. Svıt Sýlıchke qarsy oıynda Danıel salqynqandylyq tanytty. Birinshi set 4:6 esep utylǵanyna qaramastan, ekinshi partııada Tazabekov tez arada jınaqtalyp, taı-breıkte qarsylasyn qyspaqqa aldy. Esep - 7:6 (8:6).
Sheshýshi úshinshi partııada Danıel birden 4:1 esebimen alda boldy. Altynshy geımde sportshy Sýlıch medısınalyq taım-aýt ýaqytyn aldy. Keıin jas qazaqstandyq óz shabýylyn jalǵastyryp, oıyndy 6:2-ge senimdi jetkizdi.
Odan keıin alańǵa Zańǵar Nurlanuly men Jıga Sheshko shyqty. Birinshi set Zanǵarda qaldy - 6: 4. Ekinshi partııanyń basynda qarsylastar breıktermen almasty. Biraq Sheshkonyń kúshi sál saıabyrlady, keıin Zanǵar setti senimdi túrde aıaqtady. Al odan keıin matchty – 6:4, 6:3 esebimen jeńdi.
Búgin álem chempıonatynyń jartylaı fınalynda bizdiń jasóspirimder Germanııa quramasymen talasady.
