Qoǵam • 09 Tamyz, 2022

Múgedektikti anyqtaýǵa qatysty 32 myńǵa jýyq ótinim syrttaı qaraldy

36 ret kórsetildi

Múgedektik tobyn belgileý úshin medısınalyq-áleýmettik saraptama júrgizýdiń syrttaı formaty boıynsha pılottyq jobany iske asyrý sheńberinde jyl basynan bastap eldiń barlyq óńirlerinen 31,9 myńǵa jýyq ótinim qaraldy, dep habarlaıdy Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Atalǵan jobaǵa 599 medısınalyq uıym qosyldy. Bıyl pılottyq joba arqyly múgedektikti belgileý boıynsha syrttaı qyzmet kórsetýmen qamtýdy 20%-ǵa deıin jetkizý josparlanǵan. Qazir bul kórsetkish 22%-dy quraıdy.

Aıta ketsek, Ulttyq qoǵamdyq senim keńesiniń VI otyrysynda Memleket basshysy erekshe qajettilikteri bar adamdar úshin barynsha qolaıly jaǵdaı jasaýdy, olardy qaǵazbastylyqtan aryltýdy, ınstansııalar boıynsha júrýin jáne qyzmet kórsetýshilerdiń qyzmet alýshylarmen baılanysyn boldyrmaýdy tapsyrǵan edi. Tapsyrmany oryndaý maqsatynda Eńbek jáne halyqty áleýmettik qorǵaý mınıstrligi Densaýlyq saqtaý jáne Sıfrlyq damý, ınnovasııalar jáne aeroǵarysh ónerkásibi mınıstrlikterimen birlesip, Qazaqstannyń barlyq óńirinde pılottyq rejımde medısınalyq-áleýmettik saraptama júrgizýdiń syrttaı formaty boıynsha joba iske asyrýda.

Múgedektik tobyn anyqtaý boıynsha qyzmet alý úshin ótinish berýshi tek turǵylyqty jeri boıynsha emhanaǵa baryp, qajetti tekserýden ótýi qajet, qalǵan prosester aqparattyq júıelerdi ıntegrasııalaý esebinen onyń qatysýynsyz ótedi.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar