Abaı • 11 Tamyz, 2022

Uly shaıyr ulyqtalǵan kún

63 ret kórsetildi

Tamyzdyń 10 juldyzy – qazaqtyń bas aqyny Abaı Qunanbaıulynyń týǵan kúni. Osyǵan baılanysty Semeıde josparlanǵan merekelik is-sharalar uly shaıyrdyń eskertkishine gúl shoqtaryn qoıyp, onyń rýhyna taǵzym etýden bastaldy.

Bıyl ataýly kúndi ótkizýdiń mańyzy zor. Sebebi Memleket basshysy Qasym-Jomart Toqaevtyń bastamasymen aqynnyń týǵan ólkesi óz aldyna oblys bolyp, onyń aty jańa ákimshilik óńirge berilip otyr. Abaı oblysynyń ákimi Nurlan Uranhaevtyń aıtýynsha, zańǵar tulǵanyń esimi ult jadynda máńgige saqtalyp, onyń mádenı murasy elimizdiń rýhanı kemeldenýine áli talaı septesedi.

«Adamzatty baýyryna balap, daryndy tulǵalarǵa asqaq rýh syılaǵan uly baba­myzdyń eńseli eskertkishiniń aldynda basymdy ıip, taǵzym etemin! Hakim Abaı – qaıtalanbas dara tulǵa. Ult maqtanyshy, aqyl-oı kenishi, álemdik deńgeıdegi uly kemeńger. Aqynnyń ǵıbratty ǵumyry men mol murasy halqymyz ben jahan jurtynyń rýhanı asyl qazynasy bolyp qala beredi. «Abaı kúnin» Abaı eli Memleket basshysy Qasym-Jomart Kemeluly Toqaevtyń sheshimine sáıkes jańadan qurylǵan oblys dárejesinde alǵash ret atap ótip otyr. Qalyń el, qaıran jurtty adastyrmaı kele jatqan uly Abaıǵa halqymyzdyń kóńili eshqashan aınymaıtyny kúmánsiz», dedi N.Uranhaev.

Budan keıin aqynnyń týǵan kúnin atap ótýge alys-jaqyn elderden arnaıy kelgen meımandar Abaı murajaıy men Nevzorovtar otbasy murajaıyn aralap, merekelik ekspozısııany tamashalaýǵa múmkindik aldy. Munda Muhtar Áýezovtiń «Abaı joly» romanyna arnalyp ashylǵan «Uly tulǵalar úndestigi» kórmesi kelýshilerdiń nazaryna usynylǵan. Sondaı-aq Semeıdiń eski ǵımarattarynyń kórmesi de uıymdastyrylypty.

Hakimniń týǵan kúnine oraı ulylar ólkesinde Roza Baǵlanovanyń atyndaǵy «Qazaqkonsert» uıymynyń gastroldik sapary da bastalǵanyn aıta ketken oryndy.

«10 tamyz – barlyq qazaqstandyq úshin úlken mereke, Abaıdyń týǵan kúni. Ol shyn máninde uly, dúnıejúzilik aqyn, oıshyl jáne fılosof. Bizdiń respýblıkalyq uıym úlken gastroldik týrdy Abaı oblysynan, Semeı qalasynan bastap otyrǵanyna qýanyshty. Elimizdiń Prezıdenti Qasym-Jomart Toqaevtyń bastamasymen úsh jańa oblys ashyldy. Sol sebepti mádenı qundylyqtarymyzdy óńir halqyna nasıhattaý úshin jańa úsh oblysqa úlken qýanyshpen saıahat jasaımyz», dedi Roza Baǵlanova atyndaǵy «Qazaqkonsert» respýblıkalyq uıymynyń dırektory Aqtoty Raıymqulova.

Uıym basshysy semeılikterdiń aldynda elimizdiń jetekshi ánshileri men oryndaýshylary óz ónerlerin ortaǵa salatynyn jetkizdi.

Ataýly kúnge oraı Semeıde bıznes forým uıymdastyrylyp, onda elimiz ben alys-jaqyn memleketterde tabysty jumys istep júrgen óńirdiń isker azamattary jańa oblysty kórkeıtýge baılanysty usynystaryn jetkizdi.

«Bıyl Aqsýat aýdanynda murajaı qurylysy aıaqtalady. Semeı qalasynyń Prı­rechnoe aýylyndaǵy mádenıet úıine qaıta jóndeý jumystary júrgizilip jatyr. Taıaý jyldary oblys boıynsha 3,8 mlrd teńgege 12 aýyldyq klýb salyp, jańartý josparlanǵan. Úkimet 2024 jylǵa qaraı Semeıdegi mýzykalyq-teatr kesheniniń qurylysyn qarjylandyrýdy qoldady. Muhtar Áýezovtiń 125 jyldyǵyna oraı túrli mádenı-buqaralyq is-sharalar ótkizý kózdelip otyr», dedi óńir basshysy.

Sondaı-aq N.Uranhaev qaladaǵy tarıhı ǵımarattardyń (telegraf, Mýsın dıirmeni, kópes úıleri, dinı ǵımarattar) sáýlettik kelbetin saqtaý maqsatynda tarıhı jáne mádenı eskertkishterdi taldaý boıynsha jumystar júrgizilip jatqanyn aıtty.

 

Abaı oblysy

Sońǵy jańalyqtar

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Koronavırýs juqtyrǵandar sany azaıdy

Koronavırýs • Búgin, 09:05

Ákimdi panalaǵan aqqý

Aımaqtar • Búgin, 07:50

Syrt aıdyndaǵy sátsizdik

Hokkeı • Búgin, 07:49

Uqsas jańalyqtar