Abaı • 11 Tamyz, 2022

Jańa kitaptyń tusaýy kesildi

100 ret kórsetildi

Almaty oblysynda Abaı kúnin atap ótý apta boıyna jalǵaspaq. Uly aqynnyń týǵan kúninde bastaý alǵan mádenı is-sharalar qatarynda «Abaı ánderi» atty «Úshqońyr» folklorly-etnografııalyq ansambliniń konserti, «Úmbetáli jyrlaryndaǵy – Abaı beınesi» atty ádebı-tanymdyq jıyn, «Hantáńiri» halyq teatrynyń «Telǵara» fılm-spektakliniń qoıylymy jáne «Abaı – jyrshy, uly aqyny elimniń» atty poezııa keshi bar.

Al dál Abaı kúni merekesine oraı Talǵar aýdanynyń Jańalyq aýylyndaǵy «Ashtyq jáne saıası qýǵyn-súrgin qurbandaryna» arnalǵan mýzeıde «Abaıdyń aqyn uldary» atty kitaptyń tusaý­keseri ótti. Jıynda Abaı­dyń qýǵyn-súrginge ushyraǵan urpaqtary jaıynda kópshilikke belgisiz málimetterden syr sher­tildi. Osy is-sharada «Abaı­dyń aqyn uldary» atty eńbektiń tusaýy kesilip, oqyrmanǵa jol tartty. Kitapta dala danysh­panynyń talantty ul­dary Aqyl­baı, Maǵaýııa jáne Týraǵul jáne nemeresi Áýbákir Aqylbaıuly jaıly zertteýler zerdelengen. Kitap avtory – belgili abaıtanýshy, jazýshy Bolat Júnisbekov.

– Abaıdyń tuńǵyshy Aqyl­baı men Maǵaýııa aty áıgili bir­talaı kórkem dastandardy jazǵan. Al Týraǵul qara sózdiń has sheberi bolǵan. Budan bólek aýdarmashylyǵy da bir tóbe. Nemeresi Áýbákirdiń óleń­derinde Abaı úlgisi saırap jatyr. Ol satı­ralyq óleńderimen birge tarıhı shyǵarmalarǵa bet buryp, kólemdi dastandar jazǵan. О́kinishke qaraı, keńes­tik keri saıasattyń tas qursaýy kemeńger urpaqtaryn da aınalyp ótpegen. Al kitaptyń tusaýkeseriniń myna qýǵyn-súrgin qurbandaryna arnalǵan mýzeıde ótýi de tegin emes. Men biletin Abaıdyń nemere inisi Shákárimnen bastap, 14 ur­paǵy qýǵyn kórgen. Qysqasy, Keńes ókimeti Abaı urpaqtaryna oń qabaq tanytpaǵan. Al endi búgingi jastar Abaı arman­daǵan­daı bilimdi, bilikti bolýy kerek qoı», – deıdi kitap avtory B.Júnisbekov.

 

Almaty oblysy

Sońǵy jańalyqtar

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar