Pedagogter Abaıdy eske alý, onyń shyǵarmashylyq murasy týraly bilimin arttyrý, kúmbirlegen dombyra únin tyńdaý úshin L.N. Gýmılev atyndaǵy EUÝ-dyń bas korpýsynyń janyna jınaldy. Uıymdastyrýshylardyń aıtýynsha, «Abaı salǵan izbenen» keshiniń maqsaty – aqynnyń fılosofııalyq shyǵarmalaryn nasıhattaý.
«Abaı – álemdik mádenıetke úlken úles qosqan uly oıshyl, aqyn, aǵartýshy, jazýshy, kompozıtor. Maǵan ásirese «Jasymda ǵylym bar dep eskermedim» degen óleńi unaıdy. Bul óleńde jastyq shaqta alǵan bilim – adamnyń adam bolyp qalyptasýynyń negizi degen ıdeıa jatyr. Bul óskeleń urpaqqa tikeleı ósıet», dedi poezııa keshine qatysýshy Aıgúl Tájibaeva.
Muǵalimder Abaı qazaq qoǵamyndaǵy jańadan mektep ashý, ǵylymdy taný, halyqty aǵartý jáne onyń mádenıetin arttyrý kezindegi progresin kórdi dep esepteıdi.
