Kezdesý barysynda ekijaqty kelisimder birneshe jyldan beri qos tarapqa da tabysty bolǵany jáne buǵan eki el basshylarynyń qosqan úlesi zor ekeni aıtyldy. Taraptar aldaǵy ýaqytta osy baılanysty damytýǵa múddeli ekenderin bildirdi. S. Shápkenov pen Sh. Ismaılov aýyl sharýashylyǵy jáne jeńil ónerkásip salalarynda yntymaqtastyqty keńeıtý jaıyn talqylady.
- Búginde qos memleket - qarym-qatynasty jan-jaqty damytqan, saýda-ekonomıkalyq baılanysty myqtaı túsken baýyrlas elder. Qazirgi ýaqytta Atyraý oblysynda aýyl sharýashylyǵy salasyndaǵy jobalardy júzege asyrýǵa múmkindik mol. Osy baǵytta birlese jumys istesek, taýar aınalymyn arttyrýǵa múmkindik týady, - dedi Serik Shápkenov.
Qos tarap áleýmettik mańyzy bar azyq-túlik taýarlaryn satyp alý jáne jetkizý jaıyn da talqylady.
Atyraý oblysynda ózbek kapıtalynyń qatysýymen kóterme jáne bólshek saýda, qyzmet kórsetý, sondaı-aq qurylys salasynda 91 kásiporyn tirkelgenin aıta ketý kerek.
