Festıval astananyń vızıt kartochkasy bolyp, ózin sırk óneriniń eń bedeldi halyqaralyq is-sharalarynyń biri retinde kórsetti. Qala turǵyndary men qonaqtary álemniń túkpir-túkpirinen kelgen jas, jańadan bastaǵan jáne ataqty sırk ártisteriniń qatysýymen eń jaqsy sırk nómirlerin kóre alady.
«Jyl saıyn Halyqaralyq festıval Nur-Sultanda qala ákimdigi men mádenıet basqarmasynyń qoldaýymen ótedi. Is-sharanyń maqsaty-ónerdiń úzdik jetistikterin kórsetý, halyq arasynda sırk ónerin nasıhattaý, tájirıbe almasý jáne halyqaralyq baılanystardy damytý», deıdi rejısser Áıgerim Tilegenova.
Bıyl Astanalyq sırk kúmbeziniń astynda Belarýs, Vengrııa, Vetnam, Izraıl, Italııa, Qyrǵyzstan, Moldova, Mońǵolııa, Reseı, Tájikstan, О́zbekstan, Fransııa jáne Qazaqstan sııaqty álemniń 13 elinen kelgen daryndy ártister óner kórsetedi. Festıvalge qatysýshylar arasynda «shteın-trape» janryndaǵy nómiri bar ataqty áýe ekvılıbrısti Oleg Spıgın bar.
Sondaı-aq festıval baǵdarlamasynda Fransııa men Vetnamnan kelgen ataqty áýe gımnasttarynyń óner kórsetýi, tanymal qazaqstandyq at-akrobatıkalyq ansambl, sheber jonglerler, akrobattar, arqan boıymen júrýshiler, ekvılıbrıster jáne álemniń eń úzdik saıqymazaqtary bar.
Qazylar alqasy nómirdiń sapasyn akterlik, horeografııalyq, rejısserlik jumys deńgeıi boıynsha baǵalaıdy.
Festıval 12 tamyzda gala-shoýmen ashylyp, 5 kúnge sozylady. Keremet shoý 14 tamyzda aıaqtalady. Sonda jeńimpazdardyń esimderi belgili bolady.
