Shymkent qalasynyń turǵyny jalpy salmaǵy 79,1 gramm marıhýanany túzeý mekemesinde jazasyn ótep jatqan aǵasyna jetkizý úshin plastıkten jasalǵan maıonez shelekteriniń túbine jasyrǵan.
Sodan keıin keptirilgen «marıhýana» salǵan ydysty Shymkent qalasyndaǵy poshta bólimsheleriniń birine ákelip, rásimdep, eki ret poshta arqyly Taraz qalasyndaǵy túzeý mekemesine joldaǵan.
Alaıda túzeý mekemesiniń qyzmetkerleri sálem-saýqatty tekserý barysynda esirtkini taýyp alǵan.
«Shymkent qalasy Abaı aýdandyq soty jergilikti turǵyndy QR QK 297-babynyń 1-bóliginde (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, olardy jóneltý ne ótkizý) kózdelgen qylmystyq quqyq buzýshylyqty jasaǵany úshin kináli dep tanyp, 5 (bes) jyl bas bostandyǵynan aıyrý túrinde jaza taǵaıyndaý týraly úkim shyǵardy. Sot prosesi barysynda sottalýshy óz kinásin tolyq moıyndap, óziniń áreketine shynaıy ókinetinin jetkizdi», delingen Shymkent qalasy PD taratqan habarlamada.
