«Jyl basynan beri elimizde 12 myńǵa jýyq ınternet-alaıaqtyq tirkeldi. Qylmyskerler 7 mlrd teńgege shyǵyn keltirdi. 571 ınternet-alaıaq ustalyp, 17 uıymdasqan qylmystyq top joıyldy. Internet-alaıaqtyq faktileri Nur-Sultan, Almaty qalalary men Qaraǵandy oblysynda kóp baıqaldy», dedi IIM ókili vedomstvonyń baspasóz qyzmeti alańynda ótken brıfıngide.
Onyń aıtýynsha, IIM ınternet-alaıaqtyqtyń aldyn alý úshin eskertýler sıpatyndaǵy SMS-ter jiberýdi bastady.
«SMS arqyly alaıaqtyq týraly halyqty biryńǵaı habardar etý týraly 4 tamyzda Ishki ister mınıstriniń Sıfrlyq damý mınıstrliginiń ókilderimen jáne baılanys operatorlarymen kezdesýinde aıtylǵan bolatyn. Mobıldi baılanys Qazaqstannyń árbir turǵynyna, turǵylyqty jáne ornalasqan jerine qaramastan, SMS arqyly alaıaqtyq faktileri týraly aqparat jetkizýge, jedel habardar etýge múmkindik beredi. Qazir Kcell qoldanýshylaryna eskertpe SMS-ter jiberildi. Taratý júıesiniń shekteýlerine baılanysty SMS mátinderindegi tańbalar sany shekteýli. Sondyqtan habarlama mátini qysqartylǵan. Ishki ister mınıstrligi barsha azamattardy saq bolýǵa shaqyrady», dedi ol.
