Qoǵam • 15 Tamyz, 2022

Esirtki jarnamalaǵan 1,6 myńnan astam saıt buǵattaldy

46 ret kórsetildi

Qazaqstanda esirtki zattaryn taratýǵa qatysy bar 1606 saıt, akkaýnt jáne basqa resýrstar anyqtalyp, buǵattaldy. Bul týraly brıfıngte QR IIM esirtki qylmysyna qarsy is-qımyl departamentiniń ókili Danııar Oralov málim etti, dep habarlaıdy Egemen.kz.

«Esirtki zattardy zańsyz jarnamalaý nemese nasıhattaý boıynsha 76 sotqa deıingi is, olardy ınternet arqyly ótkizý boıynsha 153 qylmystyq is tirkeldi. Áleýmettik jelilerdi monıtorıngileý barysynda esirtki quraldary men psıhotroptyq zattardyń taralýyna qatysy bar 1606 veb-saıt, akkaýnttar jáne basqa da resýrstar anyqtalyp, buǵattaldy», dedi QR IIM esirtki qylmysyna qarsy is-qımyl departamentiniń ókili Danııar Oralov.

Onyń aıtýynsha, halyq pen ÚEU qatysýymen esirtki satý boıynsha ınternet-resýrstarǵa siltemeleri bar 4160 graffıtı-sýret joıyldy.

Jalpy, IIM derekteri boıynsha, 2022 jyldyń 7 aıynda 1 491 esirtki qylmysy, onyń ishinde 874 ótkizý faktisi jáne 227 asa iri kólemde esirtkini saqtaý faktisi anyqtaldy. Jyl basynan beri barlyǵy 4,5 tonna túrli esirtki quraldary tárkilendi. Onyń ishinde 2,2 tonna marıhýana, 400 kg astam gashısh jáne 87 kg sıntetıkalyq esirtki tárkilendi.

Nur-Sultan qalasynyń, Atyraý jáne Pavlodar oblystarynyń aýmaǵynda kannabıs jáne sıntetıka esirtkilerin satýmen aınalysatyn 3 uıymdasqan qylmystyq toptyń joly kesildi.

Sıntetıkalyq esirtkige baılanysty 890 qylmys tirkeldi. Nur-Sultan, Almaty qalalary men Aqmola, Shyǵys Qazaqstan, Soltústik Qazaqstan, Qyzylorda, Qostanaı, Jambyl, Pavlodar, Mańǵystaý jáne Qaraǵandy oblystarynda 23 esirtki zerthanasy joıyldy.

 

Sońǵy jańalyqtar

Shırek fınalǵa ótti

Tennıs • Keshe

Uqsas jańalyqtar