ShQO Prokýratýrasynyń baspasóz qyzmeti málim etkendeı, memlekettik organdardyń, kásiporyndardyń basshysy laýazymyna jáne qyzmetkerlerin taǵaıyndaý tártibiniń zańdylyǵyn tekserý barysynda joǵary bilim týraly jalǵan dıplom usynýdyń 3 faktisi anyqtaldy.
«Atap aıtqanda, «Sý kanaly» memlekettik kásiporynnyń basshysy jáne Rıdder qalalyq mádenıet úıiniń bas esepshisi laýazymdaryna, Rıdder qalasynyń ishki saıasat bólimine statıst qyzmetine jumysqa qabyldaýda jalǵan qujattar usynylǵan. Bilim berý uıymdary osy dıplomdardyń atalǵan azamattarǵa berilmegenin rastady», delingen aqparatta.
Atalǵan faktiler prokýratýrada tirkelip, tıisti materıaldar Rıdder qalasynyń polısııa bólimine joldandy.
Qazir QR QK-niń 385 baby 3 bóligi (kórineý jalǵan qujatty paıdalaný) boıynsha sotqa deıingi tergeý amaldary bastaldy.
