ANTIKOR • 16 Tamyz, 2022

HQKO ókilderi múgedekterge memlekettik baj salyǵyn tóletken

42 ret kórsetildi

Aqmola oblysy boıynsha Sybaılas jemqorlyqqa qarsy qyzmet Halyqqa qyzmet kórsetý ortalyqtarynyń múmkindigi shekteýli adamdardan pasporttar men jeke kýálikter bergeni úshin memlekettik bajdardy negizsiz alý faktilerin anyqtady, dep habarlaıdy Egemen.kz Antıkordyń baspasóz qyzmetine silteme jasap.

«Taldaý barysynda 500-den astam múgedek azamattardyń quqyqtarynyń buzylǵany anyqtaldy. Salyq kodeksiniń 622-babyna sáıkes atalǵan tulǵalar qujattandyrý qyzmetteri úshin memlekettik baj tóleýden bosatylǵan.

Aqmola oblysy boıynsha Sybaılas jemqorlyqqa qarsy is-qımyl departamentiniń bastamasymen azamattardyń buzylǵan quqyqtaryn qalpyna keltirý máselesi kóterildi. Qazirgi ýaqytta polısııa organdarymen birlesip tólengen memlekettik bajdardy qaıtarý boıynsha jumystar júrgizilýde», delingen habarlamada.

Sonymen qatar talap etilgen bajdardyń jalpy somasy 1 345 000 teńgeni qurady.

Budan ári osyndaı negizsiz memlekettik baj alýdy boldyrmaý úshin Departament aqparattyq júıelerdi sapaly ıntegrasııalaýdy júrgizý, sondaı-aq, belgili bir sanattaǵy tulǵalarǵa jáne basqa da salalarda jeńildikter berýge qatysty qoldanystaǵy zańnamany zerdeleý qajettigin atap ótti.

«Sybaılas jemqorlyqqa qarsy is-qımyl agenttigi halyqtyń áleýmettik osal toptaryn qorǵaý maqsatynda Halyqqa qyzmet kórsetý ortalyqtary men baqylaýshy organdardy zań talaptaryna muqııat qaraýǵa jáne azamattardyń quqyqtaryn buzýǵa jol bermeýge shaqyrady.

О́ńirdiń áleýmettik mańyzy bar máselelerin sheshý boıynsha jumystar jalǵasýda», delingen habarlamada.

Sońǵy jańalyqtar

Senbige arnalǵan aýa raıy boljamy

Aýa raıy • Búgin, 15:21

Uqsas jańalyqtar