Kórnekti ǵalymǵa arnalǵan dóńgelek ústeldiń moderatory aqyn, Qazaqstannyń eńbek sińirgen qaıratkeri, Halyqaralyq «Alash» ádebı syılyǵynyń ıegeri, Qazaqstan Jazýshylar odaǵynyń hatshysy, Nur-Sultan qalasy fılıalynyń dırektory Dáýletkereı Kápuly ustazynyń ultqa sińirgen eńbegin erekshe atap ótip, júrekjardy estelikterimen bólisti.
Jıynǵa QR UǴA akademıgi, QR Prezıdentiniń keńesshisi Baýyrjan Omarov, ǵalym, Qazaqstan Respýblıkasynyń Ulttyq ǵylym akademııasynyń akademıgi, fılologııa ǵylymdarynyń doktory, professor, Dıhan Qamzabekuly, aqyn, prozashy, pýblısıst, aýdarmashy Qaıyrbek Sádýaqasov, aqyn, Qazaqstannyń Mádenıet qaıratkeri Baqytjan Tobaıaqov, ádebıettanýshy, Shaısultan Shaıahmetov atyndaǵy Til-Qazyna (Til-Qazyna) ǵylymı-praktıkalyq ortalyǵynyń dırektory Erbol Tileshev, alashtanýshy ǵalym, fılologııa ǵylymynyń doktory, professor Amantaı Shárip, fılologııa ǵylymdarynyń doktory, professor Rahymjan Turysbek, alashtanýshy ǵalym, fılologııa ǵylymdarynyń kandıdaty, dosent Qaırat Saq, belgili jazýshy, tarıh zertteýshisi, Qazaqstan Jazýshylar odaǵy men Eýrazııa Jazýshylar odaǵynyń múshesi Jádı Shákenuly, jazýshy, ádebıettanýshy, «Daryn» Memlekettik jastar syılyǵynyń laýreaty Aıgúl Kemelbaeva, fılologııa ǵylymdarynyń doktory, professor Saǵymbaı Jumaǵul, Tursynbek Kákishulynyń inisi Jeńis, Eýrazııa ulttyq ýnıversıtetinde fılologııa ǵylymdarynyń kandıdaty, túrkitanýshy ǵalym Imanǵazy Nurahmetuly jáne taǵy basqa da kóptegen zııaly qaýym ókilderi qatysty.
Sóz zergeriniń sanaly ǵumyry qazaq ádebıettaný ǵylymyn zerdeleý jolynda ótti. Tarıh úshin «aqtańdaqtar aqıqatyn» ashýdaǵy tabandy kúreskerligi, shynshyldyǵy úshin halqynyń qalaýly azamattarynyń birine aınaldy. Oǵan dálel ǵalym aǵamyzdan qalǵan myna tálsim.
«Shyndyqtyń shyraıyn keltirip aıtpasaq, halyqty tárbıeleý qıyn…», degen.
Jıyn barysynda Tursynbek Kákishulynyń ádebı, mádenı murasy sondaı-aq, qazaq ádebıetiniń tarıhy men ádebı syny týrasyndaǵy zertteýlerdi jazýdaǵy tabandylyǵy, aqıqat úshin alysyp, qazaq ádebıettaný ǵylymy úshin sińirgen eńbekteri jaıly taǵylymdy estelikter aıtyldy.
Ult rýhanııatyna ólsheýsiz úles qosqan qaıratkerdiń esimi el jadynda. Jazýshynyń ultshyldyǵy men ádebıetke degen adaldyǵy búgingi jastarǵa úlgi. Ulttyq kitaphanada qaıratkerdiń esimi berilgen «Ǵalym zaly» da ashylǵan. Onda onyń 800-ge jýyq qoljazbasy men shyǵarmalary qoıylǵan. Jaqynda jazýshynyń baǵa jetpes mol murasyn dáripteý maqsatynda halyqaralyq ǵylymı konferensııa ótpek.
