Almaty qalasy ákimdiginiń málimetinshe, «Jalpyǵa mindetti oqý» qorynan áleýmettik osal toptaǵy oqýshylarǵa arnalǵan kómektiń somasy – bir balaǵa 43 myń teńgeni quraıdy.
«Bul maqsatqa jergilikti bıýdjetten jalpy 847 mln teńge bólindi. Qazirgi tańda qarajat 16 myń oqýshynyń ata-anasynyń shotyna aýdaryldy. Barlyǵy 20 myńǵa jýyq oqýshy materıaldyq kómek alady.
«Mektepke jol – shekarasyz jaqsylyq» respýblıkalyq aksııasy aıasynda 1 myńnan astam balaǵa kómek kórsetildi. Demeýshiler men mesenattar bólgen 17,3 mln teńgege mektep formasy men keńse taýarlary satyp alynyp, taratyldy», delingen ákimdik habarlamasynda.
Osyǵan oraı Almaty ákimdigi ıgi iske beı-jaı qaramaıtyn qala turǵyndaryna aksııaǵa atsalysyp, muqtaj balalarǵa kómek kórsete alatyndaryn jetkizdi. Aksııa 30 qyrkúıekke deıin jalǵasady.
