«Bıyl 19 tamyzda otandasymyz konsýlmen baılanysqa shyǵyp, óz jaǵdaıyn habarlady. Qazaqstan Respýblıkasynyń Hanoıdaǵy elshiligi Laostyń Syrtqy ister mınıstrligine azamatymyzdy qutqarýǵa barynsha kómek kórsetý týraly tıisti nota joldady. Laos polısııasy bul máselemen aınalysyp jatyr, erteń Laostyń syrtqy ister jáne ishki ister mınıstrligi ókilderimen kelissózder ótedi», delingen resmı aqparatta.
Qazirgi ýaqytta qazaqstandyqtyń ómirine eshqandaı qaýip tónip turǵan joq.
«Jerlesimiz dıplomattarmen jáne týystarymen únemi baılanysta. Aıtýynsha, qujattary men telefonyn alyp qoımaǵan, telefon men ınternet baılanysyn shektemegen, sondaı-aq kúsh qoldanbaǵan», deıdi vedomstvodan.
Elimizdiń Syrtqy ister mınıstrliginiń habarlaýynsha, otandasymyz Taılandqa jáne odan ári marshrýt boıynsha óz erkimen barǵan.
«Azamatshanyń aıtýynsha, eger ol óziniń ushýyna, turýyna jáne basqa da shyǵyndaryna jumsalǵan qarjyny qaıtarsa, jumys berýshiler ony jiberýge daıyn», dep tolyqtyrdy mınıstrlik.
Sondaı-aq, resmı aqparatta atalǵan másele Qazaqstannyń Vetnamdaǵy elshiliginiń erekshe baqylaýynda ekeni aıtylǵan.
«Syrtqy ister mınıstrligi jáne QR Vetnamdaǵy elshiligi otandasymyzdyń elge oralýyna qajetti kómek kórsetedi. Qazaqstan SIM azamattarynan shetelde jumys isteý úshin qujattar men kelisimsharttarǵa qol qoıýǵa deıin jáne shetelge shyqqanǵa deıin olardy muqııat zerdeleýdi, sondaı-aq kútpegen jaǵdaılardyń týyndaýyn boldyrmaý úshin jumys berýshilerdi tekserýdi suraıdy», dep habarlaıdy SIM-niń baspasóz qyzmeti.
QR Ishki ister mınıstrligi atalǵan derekke qatysty qylmystyq kodekstiń 126-babynyń 1-bóligimen (adam urlaýǵa baılanysty emes bas bostandyǵynan zańsyz aıyrý) qylmystyq is qozǵady.
