Búgin Bas múftı Bas meshit jamaǵatyna ımamdy tanystyryp, buıryǵyn oqyp berdi. «QMDB janyndaǵy Respýblıkalyq Bas meshitke Qydyrmın Qanat Qoıanbekuly ımam bolyp taǵaıyndalsyn» delingen QMDB Tóraǵasy Naýryzbaı qajy Taǵanulynyń buıryǵynda.
Bas múftı Qanat Qydyrmınniń dinı saladaǵy bilimi men tájirıbesin aıryqsha atap, jańa jumysyna sáttilik tilep, ıgi isterine duǵa jasady.
Aıta ketsek, Qanat Qoıanbekuly osyǵan deıin Aqmola oblysynyń bas ımamy, «Áziret Sultan» meshitinde naıb ımam, ustaz bolyp jumys istedi. Sonymen qatar, QMDB janyndaǵy «Zeket jáne qaıyrymdylyq» qorynyń dırektory qyzmetin atqardy.
