Memlekettik qyzmetterdi eń yńǵaıly nusqada alady

HQO basshylarynyń Almatydaǵy basqosýy qaýymdastyq múshelerine pandemııanyń qysqa merzimdi jaýap sharalary men uzaq merzimdi áserin taldaýǵa, sondaı-aq osy saladaǵy áleýmettik qam­syzdandyrýdyń negizgi problemalaryn talqylaýǵa mumkindik berdi.

Ázerbaıjan Respýblıkasy turaqty jáne jedel áleýmettik qamsyzdandyrý agenttiginiń (DOST) derekterdi basqarý jáne taldaý departamentiniń dırektory Shahın Zýlfýgarovtyń aıtýynsha, qazaqstandyq front-ofıster balamasy sanalatyn Turaqty jáne jedel áleýmettik qamsyzdandyrý agenttigi (DOST) Pre­zıdent jarlyǵymen 2018 jyldan beri jumys isteıdi. DOST agenttigi Biryńǵaı úılestirý or­ta­lyq­ta­rynyń qyzmetterin qosa al­ǵanda, tike­leı ortalyqtar jelisi arqyly 12 baǵytta 154 qyzmet kórse­tetinin aıtady.

О́zbekstan Respýblıkasynyń Qarjy mınıstrligi janyndaǵy Zeınetaqy qory Atqarýshy dırektorynyń birinshi orynbasary Zohıdhýja Tursynov Jańa О́zbekstannyń 2022-2026 jyl­darǵa arnalǵan strategııasynyń áleý­mettik bóligine toqtalsa, Belarýs Respýb­lıkasynyń Halyqty áleýmettik qorǵaý qory Basqarýshysynyń birinshi orynbasary Vıktorııa Trýhan óz elinde mekemearalyq ózara is-qımyl sheńberinde usynylatyn, sondaı-aq memlekettik bas­qarý organdary sharýashylyq júrgizýshi sýbektilerge de, sondaı-aq memlekettik basqarý organdary usy­natyn qyzmetter men servısterdi shoǵyrlandyratyn jalpy memlekettik avtomattandyrylǵan aqparattyq júıeniń elektrondyq qyz­met­teriniń biryńǵaı portaly jumys isteıtinin aıtady.

Halyqaralyq konferensııany uıym­das­tyrýshylardyń biri – «Azamat­tarǵa arnalǵan úkimet» MK KeAQ tóralqa tóraǵasy Súıenish Ábdildın Qazaqstan memlekettik qyzmetterdi odan ári sıfr­landyrýǵa belsendi túrde kirisip otyr­ǵanyn jetkizdi.

«Biz únemi halyqpen jumys isteýde aldyńǵy shepte otyrǵandyqtan ózekti máselelerdi kóteremiz. Búginde elimizde egov-ty monopolııasyzdandyrý úrdisi júrip jatyr. Bul – memlekettik qyzmet­terdiń qoljetimdiligin tek memlekettik qyzmetterdiń biryńǵaı portalynda ǵana emes, bankter, onlaın platformalar arqyly alýǵa ǵana emes, memlekettik qyz­metterdiń qoljetimdiligin qam­ta­masyz etýge de múmkindik beredi, azamattar memlekettik qyzmetterdi alý úshin eń ózine yńǵaıly nusqany tańdaı alady. Áleý­mettik qamsyzdandyrý turǵysynan alǵanda, bul – proaktıvti qyzmetter. О́tinish berý formatynan anyqtaý, avtomatty túrde qyzmet kórsetý forma­tyna kóshý. Bul oraıda Eńbek jáne áleýmettik qamsyzdandyrý mınıstrligi qolǵa alǵan «Otbasynyń sıfrly kartasy» jobasynan úlken úmit kútýge bolady» dedi «Azamattarǵa arnalǵan úkimet» MK KeAQ tóralqa tóraǵasy Súıenish Ábdildın.

Eki kúnge jalǵasqan jıynda TMD ókilderi tájirıbelik áleýmettik baǵdar­lamalarǵa qatysyp, Almaty qalasynyń Áleýmettik qyzmetter úıiniń jumysymen tanysty.

ALMATY