Germanııanyń BORA-hansgrohe klýby sapynda óner kórsetip júrgen ırlandııalyq sportshy 193,2 shaqyrymdyq qashyqtyqty 4 saǵat 05 mınýt 53 sekýndta júrip ótti. Osynyń aldyndaǵy 2-kezeńde de Bennet máre syzyǵyn birinshi bolyp qıǵan edi. Al bul joly ekinshi jáne úshinshi oryndardy danııalyq Mads Pedersen Trek-Segafredo men ulybrıtanııalyq Danıel Makleı Team Arkéa Samsic ıelendi. «Astananyń» ókili Evgenıı Fedorov máre syzyǵyn 26-shy bolyp qıyp ótti.
Jalpy esepte Nıderlandtyń Jumbo-Visma komandasynyń namysyn qorǵap júrgen 26 jastaǵy ıtalııalyq sańlaq Edoardo Affını kósh bastap keledi. Onyń ýaqyty – 8 saǵat 20 mınýt 07 sekýnd. Odan keıingi oryndarda da dál sol klýbtyń músheleri. Olar – nıderlandtyq Sem Oomen men slovenııalyq Prımoj Roglıch. «Astananyń» sapyndaǵy ıtalııalyq legıoner Vınchenso Nıbalı 61-satyǵa jaıǵasty.
