Bul bastama elimizdegi sporttyq kontent avtorlaryn qoldaýǵa jáne platformanyń úlken qoǵamdastyǵy arasynda buqaralyq sport pen salaýatty ómir saltyn nasıhattaýǵa úles qosýǵa baǵyttalǵan. Bastama aıasynda 21-28 tamyz aralyǵynda QR Mádenıet jáne sport mınıstrliginiń TikTok-taǵy akkaýntynda (@drs_kz) tikeleı efırler serııasy ótetin bolady. Qazaqstandyqtar Astana Trıatlon parkindegi sporttyq merekege vırtýaldy túrde baryp qaıtty, al qalǵan kúnderi ataqty sportshylarmen suhbatty kóre alady.
Sonymen barlyq TikTok paıdalanýshylary sporttyq marafonǵa qosylyp qana qoımaı, #MenChempıonmyn2022 heshtegi boıynsha taqyryptyq chellendjge qatysa alady. Eń kreatıvti beınelerdiń avtorlary baǵaly syılyqtarmen marapattalmaq.
«Qazaqstan óziniń sporttyq jetistikterimen jáne bokstan, velojarystan, shahmattan jáne aýyr atletıkadan túrli sport túrlerindegi chempıondarymen tanymal. Bizdiń Mádenıet jáne sport mınıstrligimen birlesken naýqanymyzdyń arqasynda sport pen fıtneste alǵashqy qadam jasap jatqan barlyq qazaqstandyqtar jáne jaqsy tájirıbesi bar adamdar shabyt alyp, TikTok-ta da óz tabystarymen bólisedi dep úmittenemin. Biz Qazaqstandaǵy sporttyq jobalardy odan ári qoldaýdy josparlap otyrmyz jáne sporttyq kontenttiń jańa avtorlaryn kórýge qýanyshtymyz», deıdi TikTok-tyń aǵa operasııalyq menedjeri Nadejda Lapına.
Tikeleı efırler kestesi tómendegideı:
23 tamyz, saǵat: 18:00-de djıý-djıtsýdan Dúnıejúzilik oıyndardyń kúmis júldegeri Galına Dývanovamen suhbat.
24 tamyz, saǵat: 18:00-de áıelder kúresinen Islam oıyndarynyń júldegeri Mádına Baqbergenovamen suhbat.
25 tamyz, saǵat: 18:00-de-palýan jáne rekordshy Sergeı Syrýlnıkovpen jáne kıokýshınkaı-kan karateden qola júldeger Álisher Karmenovpen suhbat.
26 tamyz, saǵat: 18: 00-de sporttyq gımnastıkadan Islam oıyndarynyń chempıony Aıda Baýyrjanovamen suhbat.
