Pıreneı túbeginiń soltústik betkeıinde ornalasqan Vıktorııa-Gastreıs pen La Gýardııa aralyǵyn jalǵastyryp jatqan 152,5 shaqyrymdyq qashyqtyqta Nıderlandtyń Jumbo-Visma klýbynyń veloshabandozy Prımoj Roglıchke teń keler eshkim tabylmady. Onyń ýaqyty – 3 saǵat 31 mınýt 05 sekýnd. Odan keıingi oryndardy danııalyq Mads Pedersen (Trek-Segafredo) men ıspanııalyq Enrık Mas (Movistar) ıelendi. «Astananyń» sapyndaǵy kolýmbııalyq legıoner Mıgel Anhel Lopes 36-satyǵa taban tiredi.
Joǵarydaǵy jeńisiniń arqasynda 32 jastaǵy Roglıch jalpy esepte jeke-dara kósh bastady. Onyń kórsetkishi – 11:50:59. Ekinshi oryndaǵy Pedersen slovenııalyq sańlaqtan 13 sekýnd qalyp keledi. Úshinshi satyǵa ulybrıtanııalyq Itan Heıter (INEOS Grenadiers) jaıǵasty. Al bizdiń Lopes ázirshe 32-oryndy enshileýde.
