Ilgeride jurtshylyq mal, páter, qalta urlyǵynan zardap shekse, búginde kólik urylary temir tulpar ıelerin qan qaqsatyp júr. Kisiniń kóligin ózinikindeı ıemdenip ketetinder elimizdiń qaı qalasynan da tabylady. Urlaǵan túk emes, olar sol avtokólikterdi jedel túrde kelesi bir azamatqa satyp jiberýdi de ádetke aınaldyrǵan. Osylaısha, kólik satý deıtin «kásipkerliktiń» jańa túrin meńgerip alǵan.
Kollajdy jasaǵan Qonysbaı ShEJIMBAI, «EQ»
Birshama ýaqyt buryn Ishki ister mınıstrligi elimizde 245 kólik urlanǵanyn málimdegen bolatyn. Bul sandarǵa qarap otyryp, eriksiz basyńdy shaıqaısyń. Jyl ortasynan endi ǵana asqanda 245 kólik urlansa, jyl sońyna deıin jaǵdaı qalaı bolmaq?
«Osy jyly 245 kólik urlyǵy tirkelip, onyń 158-tiń izi sýymaı ashyldy. Atalǵan qylmystyq ister sotqa joldanyp, urlanǵan kólikterdiń 54-i ıelerine qaıtaryldy. Urlanǵan kólikterdi kórshi elder arqyly Qazaqstanǵa kirgizý faktileri de tirkeldi. Máselen, kórshiles elder arqyly el aýmaǵyna kirgen 32 kóliktiń urlanǵany anyqtalyp otyr», degen bolatyn Ishki ister mınıstrliginiń ókili baspasóz qyzmeti máseleniń mánisine úńilip.
Kólik urlyǵy derekteri Jambyl oblysynda da tyıylmaı tur. Birer kún buryn Taraz qalasyndaǵy jedel basqarý ortalyǵyna habarlasqan shahar turǵyny shaǵyn aýdandardyń birindegi turaqtan «VAZ» markaly avtokóliginiń joǵalǵanyn aıtyp habarlasqan.
Atalǵan derek boıynsha judyryqtaı jumylyp jumys istegen polısııa qyzmetkerleri kúdikti retinde 33 jastaǵy Baızaq aýdanynyń turǵynyn ustaǵan. Tergep-tekserý barysynda kúdikti Reseı eliniń tirkeýinde turǵan «VAZ» markaly kólikterdi tún qatyp urlap, ózge óńirlerdiń turǵyndaryna tómen baǵamen satyp kelgeni belgili boldy. Derekterge sensek, ol osy kúnge deıin 13 avtokólik urlaǵan eken.
Tergeý barysynda kúdikti azamat óziniń kinásin tolyǵymen moıyndady. Búginde ol ýaqytsha ustaý ızolıatoryna qamaqqa alynǵan. Atalǵan derek boıynsha Qylmystyq kodekstiń 200-baby 1-tarmaǵymen (Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý) sotqa deıingi tergeý amaldary júrgizilip jatyr.
Jambyl oblysy
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
Álıhan Smaıylov qazaq elin Naýryz meıramymen quttyqtady
Úkimet • Búgin, 11:00
Búgin elimizdiń basym bóliginde kún ashyq bolady
Aýa raıy • Búgin, 10:40
Qazaqstan • Búgin, 10:18
Memleket basshysy Qazaqstan halqyn Naýryz meıramymen quttyqtady
Prezıdent • Búgin, 10:00
Uqsas jańalyqtar
