Álem • 26 Tamyz, 2022

Keńeıtilgen formatta kelissózder júrgizdi

28 ret kórsetildi

Qasym-Jomart Toqaev pen Ilham Álıev Qazaqstan-Ázerbaıjan strategııalyq áriptestiginiń negizgi máselelerin talqylap, saıası, saýda-ekonomıkalyq, kólik-tranzıttik jáne mádenı-gýmanıtarlyq yntymaqtastyqty nyǵaıtýǵa nazar aýdardy.

Qazaqstan basshysy Bakýge shaqyrǵany jáne kórsetilgen qonaqjaılylyq úshin Ázerbaıjan basshysyna rızashylyǵyn bildirdi. Q.Toqaev shaǵyn quramda ótken kezdesý barysynda memleketter arasyndaǵy yntymaqtastyqtyń ártúrli salalaryndaǵy ózara is-qımylynyń barlyq máseleleri boıynsha jan-jaqty pikir almasý bolǵanyn atap ótti. Ol sondaı-aq gýmanıtarlyq yntymaqtastyqty damytýdyń qolaıly perspektıvalaryna nazar aýdardy.

О́z kezeginde Ázerbaıjan Prezıdenti áriptesine shaqyrýdy qabyl alǵany úshin alǵys aıtty. Sonymen qatar Ázerbaıjan Prezıdenti jaqynda Sýmgaıt qalasynyń ortalyq kósheleriniń birine qazaq halqynyń kórnekti uly, aǵartýshy, túrkitanýshy Ahmet Baıtursynulynyń esimi berilgenin eske saldy. Ol baýyrlas eki el arasyndaǵy qarym-qatynastardyń tabysty damýyna senim bildirdi. Qazaqstan Prezıdentiniń tapsyrmasymen Ázerbaıjannyń Fızýlı qalasynda Qurmanǵazy atyndaǵy balalarǵa arnalǵan shyǵarmashylyqty damytý ortalyǵy salynady.

Sońǵy jańalyqtar

Astana qalasynyń ákimi aýysty

Taǵaıyndaý • Keshe

Uqsas jańalyqtar