Bilim • 26 Tamyz, 2022

Ǵylym jáne joǵary bilim forýmy ótti

124 ret kórsetildi

Premer-Mınıstrdiń orynbasary Eraly Toǵjanov «Adamı kapıtal – Jańa Qazaqstan damýy­nyń negizgi resýrsy» atty ǵylym jáne joǵary bilim forýmynyń plenarlyq otyrysyna qatysty.

Vıse-premer joǵary bilim men ǵylym eldiń tehno­logııalyq, ındýstrııalyq jáne ekonomıkalyq damýynyń qozǵaltqyshy ekenin atap ótip, jańa Ǵylym jáne joǵary bilim mınıstrliginiń negizgi mindetterine toqtaldy.

«Memleket basshysynyń tapsyrmasyna sáıkes Bilim jáne ǵylym mınıstrligi eki vedomstvoǵa bólindi. Bul ǵylymı qyzmetti úılestirýdi kúsheıtý jáne ǵylym men joǵary bilim uıymdarynyń jumysyn jetildirý, sondaı-aq barlyq ǵylymı-tehnıkalyq baǵdarlama men zertteýlerdi qalyptastyrý men iske asyrýdy úılestirý», dedi E.Toǵjanov.

Sondaı-aq Memleket basshysy salalyq memlekettik organdardyń ǵylymı mekemeleri men joǵary oqý oryndaryn Ǵylym jáne joǵary bilim mınıstrliginiń qaramaǵyna berý máselesin qaraýdy tapsyrǵanyn aıtty. Bul ǵylym salasynda biryńǵaı memlekettik saıasatty qalyptastyrý úshin qajet.

Premer-Mınıstrdiń orynbasary Eraly Toǵjanov salalyq memlekettik organdarǵa, ǴZI men JOO-larǵa birqatar tapsyrma berdi. Atap aıtqanda, salalyq joǵary oqý oryndary men ǴZI-dyń Dırektorlar keńesindegi ǴJBM ókilderiniń úlesin arttyrýdy, JOO men ǴZI basshylarynyń kandıdatýrasyn ǴJBM-men mindetti túrde kelisýdi, sondaı-aq el ǵalymdary úshin ǴZI men JOO-lardyń zerthanalyq jáne ǵylymı bazasyna biryńǵaı qoljetimdilikti qamtamasyz etýdi jáne qazirgi jobalardyń tıimdiligine mindetti túrde ǵylymı uıymdardyń aýdıtin júrgizýdi tapsyrdy.

«Ǵylymdy damytýdyń negizgi qaǵıdaty – eldiń áleý­mettik-ekonomıkalyq damýyna qosar úlesin arttyrý. Teh­nı­kalyq baǵyttaǵy ǵylymı ázir­lemeler ekonomıkalyq aı­na­lymǵa tartylýǵa jáne qun­dy­lyqty arttyrýdyń tú­­ıin­di faktoryna aınalýǵa tıis. Ǵylymı ázirlemelerdi to­lyq kommersııalandyrý­ǵa tek zert­­teýler ǵana emes, tá­ji­rı­­belik-konstrýktorlyq, teh­­nologııalyq jumystar júr­­gizý, ınfraqurylymdy, tu­tastaı al­ǵanda, ınnovasııalyq eko­júıeni damytý qajet. Bul ekojúıeler – teh­nologııalyq ınkýbatorlar, tehn­oparkter, akseleratorlar, ven­chýrlyq qorlar», dedi Premer-Mınıstrdiń orynbasary.

Eraly Toǵjanov kadr daıarlaý júıesi qajetti mamandarmen ozyq qamtamasyz etý modeline kóshýge tıis ekenin atap ótti.

«Kadrlardy ozyq daıarlaý modeli bilim baǵdarlamalaryn ázirleýge qoıylatyn sharttar men talaptardy túbegeıli ózgertedi. Bul halyq tabysyn art­tyrýǵa arnalǵan «Maman­dyǵym – bolashaǵym» baǵdarla­masynyń negizine alyndy. Muny barlyq óńir men salada keńeıtý qajet. Jańa modeldi biz qoldaımyz jáne 2026 jylǵa de­ıingi bilim berýdi damytý tujy­rymdamasynda qarastyrǵan jón dep sanaımyz», dedi E.Toǵjanov.

Halyqaralyq sarap­shylardyń baǵalaýynsha, 4-shi deńgeıdegi zamanaýı óner­kásiptiń damý kórsetkishi sapaly adamı kapıtalǵa 68%-ǵa, ınfraqurylymǵa 16%-ǵa jáne shıkizatqa tek 12%-ǵa baılanysty. Aqparattyq tehnologııalar ǵasyrynda básekege qabiletti mamandardy tárbıeleý qajet.

Ǵylym jáne joǵary bilim mınıstri Saıasat Nurbek sala­lyq vedomstvonyń baǵytyn damytýdyń negizgi basymdyqtary men mindetterin atady.

«Júıelik sheshimder usy­namyz. Birinshisi – granttardy saralaý. Granttar sanyn kóbeı­týdemiz. Byltyrǵymen salys­tyrǵanda grant sany 19%-ǵa ósti jáne keler jyly da ulǵaıatyn bolady. Al bıyl 88 myń grant bólindi», dedi S.Nurbek.

Onyń aıtýynsha, otan­dyq ǵylym salalyq, aımaqtyq másele­lerdi sheshýge baǵyttalýy kerek.

«Memleket basshysy Ult­tyq ǵylym akademııasynyń mártebesin kóterýdi tapsyrdy. Úkimet janynan arnaıy jumys toby quryldy. Búgin forýmda ýnıversıtettegi ǵylym men qoldanbaly ǵylymnyń qyzmet etý máseleleri talqylandy. Maq­satymyz – joǵary oqý oryndaryn zertteý modeline kóshirý», dedi S.Nurbek.

Sońǵy jańalyqtar

Koronavırýstyń «Serber» shtamy tez juǵady

Koronavırýs • Búgin, 13:32

Ulytaý oblysynyń ákimi taǵaıyndaldy

Taǵaıyndaý • Búgin, 11:50

Batys Qazaqstan oblysynyń ákimi taǵaıyndaldy

Taǵaıyndaý • Búgin, 11:06

Japonııa quramasy Ispanııany jeńdi

Fýtbol • Búgin, 10:33

Almaty mańynda jer silkindi

Aımaqtar • Búgin, 10:02

Jas tennısshilermen kezdesý

Tennıs • Búgin, 07:47

Italııalyq legıonermen tolyqty

Sport • Búgin, 07:45

Jas ǵalymnyń jetistigi

Ǵylym • Búgin, 07:43

Sıfrlyq teńge qoldanysqa enedi

Qarjy • Búgin, 07:41

Bıznesti jarylqaıtyn baǵdarlama

Bıznes • Búgin, 07:40

Uqsas jańalyqtar