Astana Hub Halyqaralyq IT-startaptar tehnoparkimen birlesip 100 IT-joba ótinimin jınady. Jýyrda olardyń 11-i úshin alǵashqy Pitch kúni ótti.
«Biz qalany damytý úshin áleýmettik-ekonomıkalyq tıimdiligi bar praktıkalyq jobalarǵa qoldaý kórsetip kelemiz. Búgin biz mundaı jobalar bar ekenin jáne olardyń kóp ekenin kórdik. Ákimdik azamattardyń ómirin jaqsartýǵa baǵyttalǵan ınnovasııalyq sheshimder úshin árdaıym ashyq, Biz ótinim jibergen barlyq startaptardy tyńdaýǵa daıynbyz, neǵurlym perspektıvaly bolǵan startaptarmen pılottyq jobalardy iske qosamyz. Ol úshin Pitch Day-dy aı saıyn ótkizemiz degen jospar bar», dedi Nur-Sultan qalasynyń Sıfrlandyrý jáne memlekettik qyzmetter basqarmasynyń basshysy Meırambek Áshirbekov.
Alǵashqy Pitch Day-de qalalyq ınfraqurylymdaǵy sý deńgeıin monıtorıngileý boıynsha joba, elordanyń biryńǵaı aqparattyq kólik júıesi, sarqyndy sý tasýynyń aldyn alatyn avtomatty júıe qurý boıynsha jobalar usynyldy.
О́tinim bergen barlyq jobalardyń baǵyty ártúrli, atap aıtqanda: bilim berý, densaýlyq saqtaý, TKSh, ekologııa, qaýipsizdik jáne kólik salalary. Jobalardy netvorkıng, pıtchıngter jáne qalalyq qurylymdarmen ózara is-qımyl kútedi.
«IT-naryǵy úshin bul ózin ákimdikke tanystyrýdyń jáne qoldaý tabýdyń biregeı múmkindigi. Astana Hub osyndaı bastamalardyń alańy bolýǵa, olar úshin qosymsha múmkindikter jasaı otyryp, IT-jobalardy ilgeriletýge daıyn», dedi Astana Hub korporatıvtik ınnovasııalar jáne sıfrlyq quzyretter keńsesiniń dırektory Tanat О́skembaev.
