Bul joly veloshabandozdar taza ýaqytqa jarysty. Valensııa ólkesindegi Elche men Alıkante qalalaryn jalǵastyryp jatqan 31,1 shaqyrymdyq saıysta Remko Evenepýlge teń keler eshkim tabylmady. Quick-Step Alpha klýby sapyndaǵy Belgııanyń betkeustary atalǵan qashyqtyqty 33 mınýt 18 sekýndta júrip ótti. Ekinshi jáne úshinshi oryndardy slovenııalyq Prımoj Roglıch (Jumbo-Visma) pen fransııalyq Remı Kavanıa (Quick-Step Alpha Vinyl Team) ıelendi.
Jalpy eseptegi jaǵdaı ózgerissiz. Ázirge Remko Evenpýldiń ekpinine eshkim shydaı alatyn emes. Onyń kórsetkishi – 34:35:50. Prımoj Roglıch odan 2 mınýt 41 sekýnd qalyp keledi. Úshinshi orynda – ıspanııalyq Enrık Mas (Movistar Team). Qazaqstandyq komandanyń namysyn qorǵap júrgen kolýmbııalyq legıoner Mıgel Anhel Lopes segizinshi satyǵa jaıǵasqan.
