Atalǵan jarysta 57 memleketten kelgen 900-ge tarta balýan baq synaıdy dep kútilýde. Tatamıge shyǵatyndar qatarynda qazaqstandyq dzıýdoshylar da bar. Krakovqa sapar shekkeli otyrǵandardyń tiziminen áıgili balýandardyń esimderin de keziktirdik. Máselen, 60 pen 64 jas aralyǵyndaǵy sportshylar arasynda Almas Musabekov kúsh synasady. Dańqty bapker Marat Jaqyttyń qol astynda jattyqqan Jambyl oblysynyń týmasy ótken ǵasyrdyń jetpisinshi jáne sekseninshi jyldary atoı salǵanyn kózi qaraqty kórermen umyta qoıǵa joq. Ol sambodan eki dúrkin KSRO chempıony atanyp, san márte júldegerler sanatynan kórindi. Álem kýbogy men Eýropa birinshilikterinde top jardy.
50 men 54 jastaǵylardyń saıysynda Rýslan Seıilhanov óner kórsetedi. Shyǵys Qazaqstan oblysynyń túlegi toqsanynshy jyldary elimizdegi eń beldi balýandardyń biri ári biregeıi boldy. Ol Atlanta men Sıdneı Olımpıadalaryna qatysyp, álemdik jáne qurlyqtyq dodalarda únemi úzdikter qatarynan kórinip júrdi.
