«El ekonomıkasyn turaqty damytýǵa sý tapshylyǵy qatty kedergi bolyp otyr. Qazir bul ulttyq qaýipsizdik máselesine aınaldy. Syrttan keletin sý azaıyp barady. Sol sýdyń ózin tıimsiz paıdalaný jaǵdaıdy odan ári ýshyqtyryp otyr. Sýdyń 40 paıyzy qumǵa sińip jatyr. Bul salada basqa da túıtkilder az emes», dedi Memleket basshysy.
Ol óz sózinde elimizde ınfraqurylym ábden tozǵanyn, sondaı-aq, avtomattandyrý jáne sıfrlandyrý deńgeıi tómen ekenin atap ótti.
«Ǵylymı negizdeme joq, mamandar tapshy. Bul máselelerdi sheshý úshin Úkimet janyndaǵy Sý keńesiniń jumysyn jandandyrý qajet, bilimdi sarapshylardy jumysqa tartý kerek. Qajetti mamandardy daıarlaý úshin bul saladaǵy irgeli ári myqty joǵary oqý ornyn anyqtaǵan jón. Sý salasyn damytýdyń úsh jyldyq jobasyn ázirleý kerek», dedi Prezıdent Qazaqstan halqyna arnaǵan Joldaýynda.
